Қазақстан мен Ресей президенттері АЭС құрылысы жөнінде пікірлеспек
Ресей үкіметі биылғы жылдың соңына дейін Қазақстанда АЭС құрылысын салу жөніндегі келісімге қол қойылады деп үміттенуде.
Ресей президентінің көмекшісі Сергей Приходько Дмитри Медведевтің Қазақстанға сапары барысында осындай мәлімдеме жасады. Екі елдің басшылары энергетика саласындағы ынтымақтастық жөнінде уағдаласпақ.
«Атом энергетикасына қатысты айтар болсақ, орташа қуатты ВБЭР-3000 реакторлы атом станциясын Қазақстанмен бірлесіп жобалаймыз. Аталған келісімге жылдың соңына дейін қол қойғымыз келеді» деген Ресей президентінің сөзін РИА Новости ақпарат агенттігі таратты.
С.Приходьконың ойынша Медведевтің Өскеменге жасаған сапары барысында ешқандай құжатқа қол қойылмады. Президент көмекшісі сонымен қатар Ангарскідегі (Иркутск облысы) уранды байыту халықаралық орталығы аясында ынтымақтасатынын еске салды.
Ангарск электролизді химиялық комбинаты базасындағы Уранды байытудың Халықаралық Орталығы (УБХО) 2007 жылы салынған. Бұл Ресей үкіметінің 120 тонналық UF6 формасындағы 2% ден 4,95%-ға дейінгі аралықта байытылған уранның физикалық қорын кепілдендіру бастамасын дамытуға түрткі болды. Бұл қор УБХО-да МАГАТЭ бақылауымен сақталып, тек Ресейдің жауапкершілігімен қолданатын болады.
УБХО қоры МАГАТЭ-ге мүше мемлекеттерге арналған. Қазақстан қордың 10% акциясына ие. Биылғы жылдың тамызында сонымен қатар Украина да 10% акция сатып алды.
“Қазақстан Іскері” басылымынан
