//

Қуат Мырза, «Оле Бразил» академиясының оқушысы: «Ала доп арқылы еліме еңбек етіп, жанұяма жәрдемдессем деймін»

569 рет қаралды

Тарих парақтарына үңілсек Еуропаға енгелі Сербияны сан соқтырдық, үстіміздегі жылы Әзірбайжанды бір доп айырмасымен ұттық. Ортасында әлемдік тізімде соңғы орындарға таласып тұрған Андорра, Омандарға артық гол соқтық деп масаттанамыз. Аз-маз тең есептер бар. Көбнесе, көбнесе деппін-ау әрдайым не бағымыз, не бабымыз шаппай «тұсауы кесілмеген баладай» сүрінеміз де жатамыз. Соңғы минуттарға тірелегенде кежегеміз киін тартып, ұпай еншілейтін сәттер қолдан тайқып кете барды қанша? Жұрт содан соң күйініштерінің кесірін алаңда өнер көрсеткен футболшылардың арасында қазақтың аздығынан іздейді. Бүгінде бірнеше жасөспірімді  мұхит асырып, футболдың жілік майын шаққан Бразилияға жібердік, мақсат – қазақ футболының көсегесін көгерту. Ел сенім артқан жас футболшының бірі – Қуат.

 

– Әңгімені , туған жеріңнен бастасаң…

– Осыдан он жеті жыл бұрын, дала сарылыққа ене бастаған мезгілде Шырайлы Шымқалада, көп балалы отбасыда дүниегеи келдім. Ұйдің еркесімін. 4 бірдей ағам бар. Бірақ ешқайсысы спорт бағытымен кеткен жоқ.

– Футболға қалай келдің?

– 9 жасымнан бері жасыл алаңдамын. Бәрі сияқты аулада доп қуалап бастағанмын. Ата-анам спортқа құлшынысымды байқап облыстық футбол мектебіне берді. Осы жаққа аттанғанға дейін сол жерде шыңдалдым. Команда жасақталып талай турнирлерде бақ сынадық.

–  Алғашқы бапкерің кім еді?

–  Арсен Дүсүпів, Ғалым Дербісбаев, Әмірби Динаев және Ұлықбек Ириметов сияқты бапкерлерім болды, олардан көп нәрсе үйрендім. Футболдың мен түсіне бермейтін қарларына терең бойлатты. Тактикалық тұрғыдан да, психологиялық жағынан да жәрдемдері мол болды.

–  Алаңдағы рөлің қандай?

–  Жартылай қорғаушы, кейде қорғаушы қызметін де атқара берем.

– Сүйікті нөмірің ше?

– 8-ді өте ұнатам. Бірақ қазір 4 ші нөмірде жүрмін.

– Бразилияға жолдама алу сен үшін қиындық туғызбады ма?

– Маған жолдама оңайлықпен келмеді. Бірінші Алматы қаласында өткен іріктеуден өте алмадым, сонда да жасымай, еңсемді түсірмей екінші іріктеуге Астанаға келдім. Өзімді бар қырына көсретуге тырысып бақтым, бағым жанып, еңбегім еленіп сарапшылардың көзіне іліктім. Сөйтіп, біздің мектептен 3 бала болып осы елге табан тіредік.

– Өзіміздегі және Европаның қай клубтарының намысын қорғағың келеді?

– Қазақстанда туып өскен Шымкенттің командасында доп тепкенге не жетсін, ал Европадан немістердің бундис-лигасындағы командаларының жейдесін кию мен үшін үлкен бақыт.

– Жаттығудан босағанда немен айналысасың?

– Достарыммен болғанда ұнатам.

– Сабақ үлгерімің қалай еді? Қандай пәндер қызықтыратын?

– Сабақта орташа оқыдым, ұнататын пәнім жоқ десе де болады., мен үшін бәрі бірдей еді. Дене шынықтыруды есептемегенде, әрине)))

– Бразилия мен Қазақстан футбол мектептерінен нендей айырмашылық байқадың?

– Мұнда 5 жамар балада доп тебуге шебер, таланттар өте көп, варасынан жарып шығу үшін талмай еңбектене беруің қажет, ол да әр футбалистің жетілуінің алғыфшарты, мұнда академиялар өте көп

– Онда күніне неше сағат жаттығасыңдар?

– Бір жарым сағаттан екі рет. Мұндағы бапкерлер бізбен дос ретінде қарым-қатынас жасайды.

– Үлгі тұтар футболшың кім?

– Рональдо Фенамено. Фенамено- жалғыз ондай біреу ғана деген мағынада. Жартылай қорғаушы бола тұра, шабулшының ойын өрнегіне қызыққаның қалай деп тұрған шығарсыз, ол шын мәнінде өз заманының үздік бамбардирі болды.

– Арман- мақсаттарыңмен бөлісе кетсең…

– Кез келген футболшының арманы – өз елінің намысын абыроймен қорғау. Ең бастысы – әке-шешемнің үкілеген үмітін ақтау. Өмірімді тек футболдан көргендіктен еліме де еңбек сіңіріп, жанұяма жәрдемдесіп, туысқандарыма да қол ұшын созсам деймін.

– Өмірде мінезің қандай?

– Қазақтың қарапайым баласымын!(кейіпкеріміз осы жауаппен ғана шектелген болатын, достарынан сұрағанымда, салмақты да сабырлы, адамгершілігі мол, нағыз патриот екендігін айтты.)

– Әңгімеңе көп рахмет!

 

Сұхбаттасқан: Мөлдір ДАРХАНБАЕВА

Парақшамызға жазылыңыз

Жауап беру

Your email address will not be published.

This site uses Akismet to reduce spam. Learn how your comment data is processed.

Соңғы жазбалар

Жолдас Өрісбай: “Қара нәсілді жүргізушіні ақ нәсілді офицер атып өлтірді” АҚШ-тың Миннесота штаты Миннеаполис қаласындағы жайт жаңа бір қақтығысқа негіз болуы мүмкін

“Қара нәсілді жүргізушіні ақ нәсілді офицер атып өлтірді” АҚШ-тағы нәсілдік мәселені тағы да ушықтырған жағдай туралы

Гүлнұр Пасат: Оңтүстік Кореяда адамды бала кезінен еңбектенуге, жауапкершілікке баулиды. Ал бізде “Еңбексіз-ақ ақша табуға болады” деген ниеттегі адамдар көп

Гүлнұр Пасат – Оңтүстік Кореяда медициналық туризм бойынша дәрігер-кеңесші. «Денсаулық Тур» компаниясының негізін қалаушы. Шетелдік азаматтарға

Серік ӘБІКЕНҰЛЫ, журналист, “Жетісу” телеарнасының директоры: Қазіргі журналистика көмейіне шүберек кептелген адамның ыңырануы іспетті

Ақпараттың нөпірі оқырманға оңды-солын танытпай тасып жатқан кезең журналистиканы да бағытынан адастырғандай. Кей жанрын жоғалтқан саланың

Жер қатынастары мәселелері бойынша өзгерістер мен толықтыру енгізу туралы заң жобасы Мәжілісте екінші оқылымда мақұлданды. Сонда Жер комиссиясының пікірі қайда қалады?

«Қазақстан Республикасының кейбір заңнамалық актілеріне жер қатынастары мәселелері бойынша өзгерістер мен толықтыру енгізу туралы» Қазақстан Республикасы Заңының