Келесі жылдан бастап халықаралық қоңыраулар шығыны едәуір азаяды, деп хабарлайды 24 KZ.
Өйткені ҚР Көлік және коммуникация министрілігі 10 секундтан алынатын төлемді 1 секундке қысқартты. Яғни, бұдан былай тұрғындар шетелге қоңырау шалғанда тек сөйлескен уақыты үшін ғана төлейді. Қазір Қазақстанда 4 миллионнан астам адам жергілікті телефон қызметін пайдаланады. Оның басым көпшілігі – қала тұрғыны. Ал 1 миллиондай адам ауылды жерлерден әлемге байланысқа шығады. Мамандардың пікірінше, өзге елдерде телефон байланысының құны қымбат келеді. Сондай-ақ ондай қоңырауға қосылу үшін де ақы алынады.
Парақшамызға жазылыңыз
