Құрметті отандастар!
ХХ ғасырдың 20-50 жылдарындағы саяси қуғын-сүргін зобалаңы – халқымыздың тарихындағы қасіретті кезең.
Қазақстан тәуелсіздік алғаннан кейін осы нәубеттің құрбандарын мәңгі есте қалдыру үшін мемлекеттік деңгейдегі тиісті шараларды жүзеге асыра бастады.
1993 жылы «Жаппай саяси қуғын-сүргін құрбандарын ақтау туралы» заң қабылданды.
1997 жылы Елбасы Н.Назарбаевтың Жарлығымен 31 мамыр Саяси қуғын-сүргін құрбандарын еске алу күні ретінде белгіленді.
Кеңес заманында өмір сүрген халықтарға «үлкен террордың» орасан зор қасірет әкелгені есімізде. Зұлмат жылдарда Қазақстанға КСРО-ның түкпір-түкпірінен бес миллионнан астам адам жер аударылды.
100 мыңға жуық азаматымыз қуғын-сүргінге ұшырап, соның 20 мыңнан астамы атылды.
Жазықсыз жазаланғандардың қатарында Ә. Бөкейхан, А. Байтұрсынұлы, М. Тынышбаев, М. Дулатұлы, Т. Рысқұлов, М. Жұмабаев, С. Сейфуллин, І. Жансүгіров, Б. Майлин, С. Асфендияров сияқты көрнекті мемлекет және қоғам қайраткерлері, басқа да ұлт зиялылары бар.
Отанын сатқандар әйелдерінің Ақмола лагері («АЛЖИР») сол жылдардағы қатыгездік пен жауыздықтың қара таңбасындай болды. Мұнда саяси тұтқындардың жақын туыстары, әйелдері мен балалары қамалды.
Бүгін біз ұжымдастыру жылдарында аштыққа ұшырағандарды, сондай-ақ туған жерінен кетуге мәжбүр болғандарды да еске аламыз. Бұл зобалаңның қасіретін үш миллионға жуық адам тартты.
Сол жылдардағы орасан зор адам шығыны мен тағдыр тауқыметі әрбір азаматтың жүрегіне жара салды.
Тоталитаризмнен зардап шеккен көптеген ұлт өкілдері үшін қазақ жері құтты мекенге айналды. Ата-бабаларымыздан дарыған қайсарлық пен төзімділіктің арқасында қатаң сыннан абыроймен өтіп, біртұтас ұлт ретінде бірігуге мүмкіндік алдық.
Бүгінде республика өңірлерінде «Қазақ халқына – мың алғыс» монументтері орнатылған. Бұл – қазақ жұртының ақ пейілі мен даналығына деген шексіз ризашылықтың белгісі.
Тарихи әділдікті қалпына келтіру жұмыстарын аяқтап, саяси қуғын-сүргін құрбандарын ақтау үшін арнайы мемлекеттік комиссия құруды тапсырдым.
Біз жазықсыз жазаланғандардың әрқайсысын есте сақтау арқылы ғана кемел келешекке жол ашамыз. Болашақтың берік негізі Тәуелсіздіктен бастау алады.
Өткен ғасырдағы ең қилы кезеңнің бірінде жазықсыз жапа шеккендердің рухына тағзым ету – баршамыздың перзенттік борышымыз.
Мемлекет басшысы Қасым-Жомарт Тоқаевтың 31-мамырға орай үндеуі
Соңғы жазбалар
18 шілдеде Лондонда Euromoney Awards for Excellence марапаттау рәсімі өтті. Halyk bank “Қазақстанның үздікбанкі” санатында жеңімпаз
Өткен аптада, Шілденің 18-інде Мәдениет және ақпарат министрлігі “Ашық нормативтік құқықтық актілер” порталында журналистерді аккредиттеудің және
Алматы облысы Ұйғыр ауданы Шошанай орта мектебі 1999 жылы салынған. 130 оқушыға арналып салынған ғимаратта әуел
Олимпиада бір жерде және бір уақытта әлем спортының барлық жарық жұлдыздарын көруге мүмкіндік береді. Төрткүл дүние
Қазақстандық жаңалықтар легін соңғы күндері тағы да зорлық-зомбылық туралы хабар дүрліктірді. Осыдан дәл үш ай бұрын
Париж олимпиадасы басталар күн жақын. Төртжылдықтың айтулы спорт додасына еліміздің 80 спортшысы барады. Олар 92 спорт
“Мінбер” сайтының ұжымы “Тасадағы өмір” жобасы бойынша Кеген ауданына іссапармен барған жолында аудан әкімі Нұрбақыт Теңізбаевпен
«Мінбер» журналистерді қолдау орталығының ұйымдастыруымен Ақтөбелік журналистерге арналған «Дата журналистика және жасанды интеллект шеберханасы» медиа тренингі
Шілденің 5-сінде “Бәсе” телеграм каналының негізін қалаушы Айдоса Садықовтың жаназасы өтті. Ол Киев облысындағы мұсылман бейітінде
«Мінбер» журналистерді қолдау орталығы» қоғамдық қоры «Дата журналистика» мектебі жобасы аясында Eurasian Resources Group-тің (ERG) қолдауымен