Шалағай шатпақтың көксегені не екен?

 Тамыздың 1 күні «mail.ru» -да «ресейліктердің 30 пайызға жуығы Ресей мен Қазақстанның қосылуын қалайды» деп Бүкіл Ресейлік қоғам пікірін зерттеу орталығының «Евразиялық монитор» консорциумның шеңберінде жүргізген шал-пұшық зерттеуінің нәтижесін жариялады. Бірден біздің көңілімізге келгені «бір елдің екінші бір елге» қосылуы туралы сұрақтың неге туындағаны? Басқа мемлекеттер емес, неге мұндай сауалды Ресейдің зерттеу орталықтары қояды? Бір мемлекет, егер ол тәуелсіз ел болса, басқа бір елге қосылуды жан тәнімен қалай ма? Қаласа, онда кімге пайдалы? Бұл бұрынғы «қосып алда билей бер дейтін» кеңес дәуірін көксеу ме? Түпкі мақсат не? Біздің ойымызша мұндағы басты меже ресейлік шовнизмді қайта жандандыру, шаңырағы ортасына түскен бұрынғы кеңестік одақты қайта тірілту  үшін жүргізіліп жатқан экспанциялық саясаттың бір ұшқыны арқылы мысқалдап ел-жұрттың, бұхараның санасын орыс отарына қайта енуге етін үйрету болса керек. Зерттеу Бүкіл Ресейлік деп дабырайтқаны болмаса өте-мөте немқұрайлы әрі шалапұшық жүргізілген. Мәселен қазір 130 миллионға жуық халық тұрады. Ал зерттеушілердің қамтыған адам саны бар жоғы 1600. Яғни, бір адам  81250 адамның пікірін білдіре ала ма? Онымен қоймай зертешісымақтар бұл сауалды ресейдің 138 елді мекенінде жүргіздік дейді. Ал Ресейде бұл күнде 157 845 елді мекен болса ше?  138 елді мекен ресейлік барлық елді мекендердің тым болмағанда 0.00 пайызына да жетпейді. Сонда бұлардың мұндай шала жансар мониторингді  жалпы ресейлік деуге қалай ауыздары барған деңізші? Осының өзі шовнистік көзқарасты білдірмей ме? Сондықтан мұндай сары, шалағай шатпақ ақпараттардан абайлаған дұрыс-ақ. Ал үкімет ұлттық тұтастыққа, мемлекетшілдікке, елдікке зияны бар мұндай негізсіз жариялымдарды қатаң қадағалағны абзал-ақ! Қарамер