Өткен жылы хакерлер Қытайдың әскери мекемелерінің сайтына бір айдың ішінде 144 мың рет шабуыл жасаған. Және сол шабуылдардың 63 пайызға жуығы Америка Құрама Штаттарынан келген.
Мұндай мәліметті Қытай Ұлттық Қорғаныс министрлігі таратып отыр. Бірақ, Вашингтонның мәлімдеуінше, ақпан айында Америка сайттарына Қытайдан да бірнеше рет шабуыл жасалыпты. Алайда, Бейжің бұл ақпарды жоққа шығарды.
Кейбір бақылаушылардың ойынша, хакерлік дау екі мемлекет арасындағы диломатиялық шиеленісті тіпті ушықтыруы мүмкін. Ал, Қытай әскерилерінің сөзіне қарағанда, Құрама Штаттар кибер шабуылдардың алдын алу саясатын қолға алмақ. Және сол саясаттың аясында компьютерлік соғысқа тартылатын мамандар саны көбейіп, хакерлік жанжалдардың ережесі айқындалатын болады.
Арыстан РЫСБЕК
kaztrk.kz
Парақшамызға жазылыңыз
