Фото: sports24.kz
Астанадағы Жақсылық Үшкемпіров атындағы жекпе-жек сарайында «2025 IBSA JUDO World Championships Astana» пара дзюдодан әлем чемпионаты өтеді.
Еліміз мұндай байрақты бәсекені алғашқы рет қабылдайды. Жарыс мамырдың 13–15 күндері болады.
Әр төрт жыл сайын өтетін басты додаға 40 елден 350-ден астам спортшы келеді. Биылғы жаһандық бәсекеде 15-тен астам паралимпиада чемпионы мен әлемдік сайыс жеңімпаздары келеді деп күтіліп отыр.
Фото: instagram.com
Елорда төрінде ел намысын Ақмарал Науатбек, Ерғали Шамей, Асылан Нұрдаулетов, Бауыржан Арыстанбеков және Талғат Әжіғалиев сынды спортшылар қорғайды.
Іріктеу сындары 10:00–13:00, ал 15:30–17:00 аралығында финалдық белдесулерді тамашалауға болады.
Түгелбай Бисен
Парақшамызға жазылыңыз
