Фото: www.ijf.org
Болгария Астанасы София қаласында өтіп жатқан дзюдодан жасөспірімдер арасындағы әлем чемпионатының екінші күні аяқталды. Бұл күні қазақ елінің жас палуандары тамаша нәтиже көрсетті.
Татамиге шыққан палуандарымыз ел қоржынына бір алтын, бір күміс, бір қола медаль салды.
Күміс медальді 66 келіде белдескен “Күрес түрлері бойынша олимпиадалық даярлау орталығы” РМҚК Жақсылық Үшкемпіров атындағы жекпе-жек сарайының спортшысы Жылқайдар Мұхаммедали. Дәл осы салмақта бақ сынаған тағы бір палуанымыз жоғарыда аты аталған жекпе-жек сарайының тағы бір спортшысы Ролан Қайырғали жаһан додасының қола жүлдегері атанды.
Ал алтын жүлдені 60 келіде белдескен Ернұр Батырғали қанжығалады. Ернұр “Күрес түрлері бойынша олимпиадалық даярлау орталығы” РМҚК Жақсылық Үшкемпіров атындағы жекпе-жек сарайының спортшысы Мейірлан Баймағамбетовтің қол астында жаттығады.
Түгелбай Бисен,
БҚО, Орал қаласы
Парақшамызға жазылыңыз
