Спорттық гимнастикадан Оңтүстік Кореяның Чечхон қаласында өтіп жатқан Азия чемпионатында ел спортшылары тағы екі медаль жеңіп алды.
Жасөспірімдер арасында сынға түскен отандасымыз Роман Хегай жеңімпаз атанса, Нұртаң Ыдырысов күміс жүлдеге қол жеткізді.
Тұтқалы ат снарядының финалында өнер көрсеткен Романға төрешілер 13.8, ал Нұртаңға 12.866 ұпай берді. Ал үздік үштікті жапон спортшысы Харутоши Очаи түйіндеді. Оның өнерін қазылар 12.666 баллға бағалады.
Айта кетейік, осыған дейін Ыдырысов еркін жаттығудың финалында өнер көрсетіп, 8-сатыға (11.000 балл) табан тіреген.
Жекелей сындағы финалдар әлі жалғасып жатыр.
Түгелбай Бисен
Фото: Спортты дамыту дирекциясынан
