Алматы облысы әкімінің бірінші орынбасары Қанат Есболатов «мүгедектерді Құдай жазалаған» деген мәлімдемесінен кейін даудың ортасында қалды. Бұл сөз Талғар ауданының тұрғындары және Денсаулық сақтау министрі Ақмарал Әлназарованың қатысуымен өткен ресми кездесуде айтылды.
Кездесуде Алматы облысы әкімінің бірінші орынбасары Қанат Есболатов күтпеген жерден:
«Мүгедектердің еңсесін түсірмейік. Алла Тағала олардың жазасын беріп қойған (орысша айтқанда их наказали ғой).Сыйлайық. Құдай бастарыңызға салмасын, қол-аяқтарыңыз, мүшелеріңіз түгел. Ауру емессіздер»,– деп айтқан болатын.
Қатысушылардың бірі әкім орынбасарына қарсы тіл қатты:
«Қалай Алла жазасын берген(наказал) деп тұрсың?»
Оған Қанат Есболатов былай деп жауап берді:
«Алла Тағала оларды солай жасаған. Бастарыңызға келмесін деп тұрмын»
Сол бойы әкім орынбасары қатаң сын астында қалды.
Сондықтан ол өз әлеуметтік парақшасында мән-жайды түсіндіріп, жазған болатын:
«Келген азаматтардың арасында бірқатар мүмкіндігі шектеулі жан болды. Кейбірі тік тұрып, өз кезегін күтті.
Кезегі жеткенде залдағы бірнеше адам сөзін бөліп, оған кедергі жасай бастады. Регламентті сактауға шақырдым. Алайда орыс тілінде айтқан сөзімде қателік бар. Ойымды дұрыс жеткізбеппін. «Құдай үлкен сынақ берген» деп айтпақ, болғанмын. Айтқан сөзім көпшіліктің көңіліне, тіпті намысына тигенін де түсіндім. Осы үшін шын ниетіммен кешірім сұраймын», – делінген жазбада.
Жариялымның астында бұқара халық өз ойымен бөлісіпті:
Дереккөз: tengrinews
Парақшамызға жазылыңыз
