//

“Ақ кеме” – Ғ.Мүсірепов театрында

668 рет қаралды

Ғ.Мүсірепов атындағы Қазақ мемлекеттік академиялық балалар мен жасөспірімдер театры 17 желтоқсанда Шыңғыс Айтматов шығармасының желісімен қойылған «Ақ кеме» спектаклінің премьерасын ұсынады. 

«Адамзаттың Айтматовы» атанған Шыңғыс Төреқұлұлының айтулы шығармасы балалар мен жасөспірімдер театрының репертуарына лайық туындылардың бірі әрі бірегейі. Спектакльдің режиссері – Дина Жұмабаева, суретшісі – Лилия Хисматуллина, хореограф – Анна Цой. Спектакльдің жанры – траги-әфсана.
Әкесінің  ақ кемемен келетініне сенетін бала туралы шығарма бәрімізге етене таныс. Төрткүл дүниенің бір бұрышындағы әсем табиғат аясында алты ересек адаммен, жеті жасар баланың тіршілігі бізге ақ пен қараның, үміт пен үрейдің адам бойында үнемі айқасқа түсіп жататынын аңғартады. Баланың арманы ақиқатқа айнала ма әлде үміті үзіле ме?.. Спектакль осы сауалға жауап іздейді. Күн шықса шексіз көкжиекке дүрбімен қарап, кеш батса айдын көлге арман-қиялында «ақ кеме» салып, әкені аңсаумен, ана мейіріміне жарымай өскен баланың тағдыры мен көркем бейнесі көпшілікке ой салары анық.
Қырғыз жазушысының қазақ сахнасындағы премьерасы 17, 18, 20 желтоқсан күндері өтеді.

Парақшамызға жазылыңыз

Назым Дутбаева

2000 жылы әл-Фараби атындағы ҚазҰУ-дың журналистика факультетін бітіріп, 2000-2002 жылдар аралығында осы факультеттің магистратурасында білім алды.
2002-2005 жылдар аралығында «Қазақ әдебиеті» газетінде тілші, 2005-2006 жылдар аралығында Қазақстан телеарнасында редактор, 2007-2018 жылдар аралығында «Қазақ әдебиеті» газетінде бөлім редакторы болып қызмет атқарды.

Жауап беру

Your email address will not be published.

This site uses Akismet to reduce spam. Learn how your comment data is processed.

Соңғы жазбалар