Жәнібек Әлімханұлы мен Анауэль Нгамиссинге арасындағы бокс кешінің үшінші жұбын әуесқой бокстың жарық жұлдызы Төрехан Сабырхан мен Чехия боксшысы Йиржи Хауке құрады.
Кәсіпқой рингте 10 кездесу өткізіп, оның 6-ында жеңіліс тапқан Йиржи Хауке дебютантқа айтарлықтай қарсылық көрсете алмады.
Төрехан Сабырхан бұл айқаста өзінің шеберлігін толығымен көрсетті. Соғатын жерде соғып, қажет болған кезде жанкүйерге шоу сыйлай алған Төрехан қарсыласын бұйым көрмеді. Оның толассыз шабуылы үшінші раундта нәтиже берді. Енді ғана шабуылға ұмтылған қарсыласын алдымен бір сұлатып алса, раунд соңында бүйректен соғып тұрғызбай тастады.
“Жасым 19-да. Бізді қолдап келген әр жанкүйерге алғысымыз шексіз. Әлі әлемге қазақтың кім екенін көрсетеміз,” – деді Төрехан жекпе-жек соңында.
Түгелбай Бисен
Парақшамызға жазылыңыз
