Фото: istockphoto.com
Кеше БҚО ТЖД жедел кезекшісінің пультіне Бөкей ордасы ауданының Сайқын ауылындағы темір жол өткелінде жүк автокөлігі мен тепловоз қақтығысып, жол апаты болғаны туралы хабарлама түскен. Ал тепловозға 90 вагон тіркелген болатын.
– Соқтығысу нәтижесінде локомотив тұтанып, төтеншеліктер қауіпті толық жойды. Қауіп-қатердің алдын алу және қозғалыс қауіпсіздігін қамтамасыз ету үшін пойыз вагондары зақымданған локомотивтен жедел ағытылып, темір жолдың қауіпсіз учаскесіне жеткізілді. Локомотивтен еш нәрсе ағып кетпеді, – делінген БҚО төтенше жағдайлар департаментінің хабарламасында.
1958 жылғы жүргізуші тізгіндеген Shacman көлігі жүк пойызын өткізбей, түйіскен.
– Оқиға салдарынан ер адам бірден көз жұмды. Қазіргі кезде ҚР ҚК 344-бабы 2-бөлігіне сәйкес сотқа дейінгі тергеу жүргізіліп жатыр, – деп жауап берді БҚО полиция департаментінің баспасөз қызметі.
Динара Насыр,
minber.kz
Парақшамызға жазылыңыз
