Видеодан кадр: t.me/baq_kz
Қазақстанда ең төменгі жалақы 2029 жылға дейін 85 000 теңге деңгейінде қалады.
Бұл туралы Үкімет отырысында вице-премьер Серік Жұманғарин мәлімдеді.
Оның айтуынша, қазір төмен жалақыны күрт өсіру бизнесті қосымша шығынға батыруымен қоса, инфляцияны да жеделдетуі мүмкін.
Сондықтан Үкімет «экономикалық тұрақтылықты сақтау үшін» осындай шешім шығарған.
– Қазір біздің алдымызда ең төменгі жалақыны көтеру жоспары тұрған жоқ. Бүгінде ең төменгі жалақы мөлшері – 85 мың теңге, әзірге оны арттыруды қарастырып отырған жоқпыз, – деді ол.
Бұл шешімге Қаржы министрі Мәди Тәкиев те қарсы болмады. Бірақ, нақты есеп жүргізілгеніне тоқталды:
– Біз есептегенде, барлық көрсеткішті қарасақ, орташа минималды мөлшер шамамен 90 мың теңге болуы керек. Бірақ жағдайды ескере отырып, қазіргі деңгейде қалдыруды жөн көрдік, – деді министр.
Еске салсақ, 2025 жылғы 1 қаңтардан бастап күшіне енген республикалық бюджет туралы Заңда да орташа жалақы бұрынғы деңгейде бекітілген.
Бегім Көктүрік
Парақшамызға жазылыңыз
