Фото: t.me/aqorda_resmi
1995 жылы 30 тамызда республикада бүкілхалықтық референдум өтіп, нәтижесінде Қазақстанның жаңа Конституциясы қабылданды.
Жалпыхалықтық референдум негізінде қабылданған құжат 5 қыркүйек күні күшіне енді.
Тоғыз тараудан, 98 баптан тұрады.
Олар: I бөлім – Жалпы ережелер, II бөлім – Адам және азамат, III бөлім – Президент, IV бөлім – Парламент, V бөлім – Үкімет, VI бөлім – Конституциялық сот, VII бөлім – Соттар және әділет, Прокуратура, Адам құқықтары жөніндегі уәкіл, VIII бөлім – Жергілікті басқару және өзін-өзі басқару, IX бөлім – Қорытынды және өтпелі ережелер.
Құжат қазақ және орыс тілдерінде қабылданған. Қазақша нұсқасы 8 904 сөзден, орысшасы 7 168 сөзден тұрады. Конституция жобасын талқылауға 3 миллионға жуық адам қатысқан.
30 жыл ішінде Ата заңға алты рет өзгеріс енгізілген.
1998, 2007, 2011, 2017, 2019 және 2022 жылы.
Ең ауқымдысы және біраз өзгеріс әкелгені 2022 жылы өткен референдум. Қазақстан суперпрезиденттік басқару формасынан парламенті бар президенттік формаға көшті.
Ал Конституцияда ең жиі қандай сөздер кездеседі?
Республика, заң, президент, парламент, Қазақстан, бап, депутат, Конституция, құқық, палата, және, мен, немесе.
Парақшамызға жазылыңыз
