Ұлыбританиялық “Times” Марченкоға қарымта қайтарды

Газет сарапшысы Дэвид Уитон қазақ компаниялырының Шығыс биржасына көз тігіп отырғанына қатысты өз ойын жариялаған.
«Дубай қаржы нарығының құлдырауы біздің биржаға оң әсер етті» дейді ұлыбритания сарапшысы. «Әйткенмен қазақ ойыншыларының біздің нарықтан жылыса бастауы жақсылықтың нышаны емес. Қазақстанда дағдарыс басталғанда шетелдік инвесторлардың көпшілігі ол жақтан қашып кетті. Ендігі кезекте Қазақ компаниялары Азия нарығына, оның ішінде Гон Конгқа көз тігуде. Егер Марченко, Қытай инвесторларының мінезі сәл салмақты деп ойлайтын болса, қателескені. Әлі де Шанхай нарығын дұрыс тани алмағаны ғой», – дейді Times online сарапшысы.
«Бірақ оның сөзінің де жаны бар. Себебі Қазақстан нарқы да қазір шығысқа ойысқан. Қытай қазақтың табиғи байлықтарының үлкен нарығы. Қытай мен Қазақстан арасында мұнай құбырлары салынып, теміржолдар төселуде», – деп жалғайды өзінің сөзін «Times»
«Лондондағы кейбір азаматтар қазақ ойыншыларынан құтылғанымыз жақсы» деуі мүмкін. Себебі қазақ компаниялары саяси тәуелсіздігі, ұжымдық басқару мен тазалықтары жөнінен алдыңғы орындардан көрінбеді. Қалай десек те, егер Орталық Азиядағы өзге компаниялар Қазақстанның соңынан ілесетін болса, Лондон үшін бұл жақсы емес» деп түйіндейді өзінің сөзін ұлыбританиялық басылым. Бұл пікір ұлттық Банк басшысы Григорий Марченконға берілген жауап деп қабылдауға болады. Марченко қазақ компанияларының бір бөлігі Лондон Қор биржасынан Азия биржасына ойысатындығын бұдан екі күн бұрын мәлімдеген.