“Мен ақшаны жақсы көрмеймін, бірақ ол маған қажет.” Өз өмірінің бағыт алып бара жатқан ұзын-сонар жолында, талай бұрылыста бұл сөзді айтқан кісіге жолығып жатсаңыз таң қалмаңыз. Кей адамдар АҚШ долларының ақша ретіндегі құнына «құнықса», кей адамдар оны тарихи жәдігер ретінде сақтап, мұрағатқа жинауды жақсы көреді екен. Қалай айтсақ та бұл заманда ақшаны жақсы көрмейтін адам некен саяқ. Әлемнің әр түкпірінде түрлі құпиялықтарды бойына жинап түрлі ақшалар айналымға түсуде. Егер АҚШ долларының әр екі бетіне үңіліп қарай қалсаңыз, ақшаның осы бір түрінен де талайлаған құпияларды көзіңіз шалады.
