Бүгін әл-Фараби атындағы Қазақ Ұлттық Университеті болашақ журналистердің басын қосты. Дәл қазір журналистика факультетінде дәстүрлі «Ең дарынды болашақ журналист» пәндік олимпиадасы өтуде.
Байқауға киелі Түркістан өлкесінен “Тұран”, Cыр өңірінен “Сыр түлектер”, Кенді өлке Қарағандыдан “Сарыарқа” және ҚазҰПУ-дың “Прогресс”, Сүлеймен Демирел атындағы университеттің “Дара”, Шет тілдер және іскерлік карьера университетінен “Алаш медиа”, ҚазҰУ-ң “әл Фараби” командалары сынға түсіп жатыр.
Тарих тәуелсіз, еркін ойлы, пікірін ашық айтатын қайсар ұрпақтан үміткер. Бұл байқаудың мақсаты да талантты журналистерді анықтап, болашақ қалам иелеріне бағыт беру.
Нұргелді Әбдіғаниұлы,
Сүлеймен Демирел университетінің студенті, олимпиадаға қатысушы
Олимпиада өте жоғары деңгейде өтуде. Тәжірибе алмасуға, шеберлігімізді шыңдауға септігін тигізеді деп ойламын. Студенттер белсенді қатысуда. Келер жылы республикалық қана емес, халықаралық дәрежеде өтеді деп сенемін.
Жас журналистер жарысына ҚазҰУ журналистика факультетінің кафедра меңгерушісі Құдайберген Тұрсын, «Қазақ радиосының» дикторы Сауық Жақан, «Хабар» агенттігінің журналисі Амангелді Сейтхан, ҚазРТРК, веб-ресурстар бөлімі, қазақ редакциясының бас редакторы Ербол Азанбек, «Түркістан» газетінің журналисі Гүлзина Бектасова төрелік етуде.
Олимпиаданың бірінші турында командалар «Қазақ журналистикасының тарихы», «Журналистикаға кіріспе», «Газет жанрлары», «Тележурналистика» пәндері бойынша 100 сұрақтан тұратын тест тапсырды.
Екінші тур «Ең дарынды болашақ журналист» деп аталады. Онда ең дарынды болашақ тележурналист, фото журналист, баспасөз және интернет журналисі анықталатын болады.Тапсырма бойынша команда мүшелері «Қазақ зиялылары қайда жүр? » тақырыбында тікелей эфирде телесұхбат дайындады. Бұл кезеңде жастар мен студия қонақтары салмақты ойларымен бөлісті.
Команда мүшелері ақпараттық фото дайындауда КазҰУ қалашығын нысанаға алды. Берілген 15 минутта командалар кәсіби журналиске тән объективтілікті, нақтылығықты көрсетуі тиіс.
Бұл Әл Фараби командасының түсірген фотосы.
Әзірге жарыстың қорытындысы шыққан жоқ. Білім додасының аяқталуына бір сағаттай уақыт бар. Жеңімпаз команда дипломдармен, бағалы сыйлықтармен марапатталатын болады.
Сәлден соң жарыс қорытындысын хабарлаймыз. Бізбен бірге болыңыздар.
ҚазҰУ қатысушылары
Парақшамызға жазылыңыз
Бүгінгі “Ең дарынды болашақ журналист” пәндік олимпиадасын қызу, тартысты өтіп жатыр. журналистердің басын қосып, тәжірибесімен бөлісуге тамаша мүмкіндік жасалуда. шараның ұйымдастырушы ҚазҰУ-не алғысымыз шексіз…
Cәттілік! Суретте Сәния екеуің ұқсап қапсыңдар, Меке!
[…] әл-Фараби атындағы ҚазҰУ журналистика факультетінде «Ең дарынды болашақ журналист» атты дәстүрлі пәндік олимпиада болып өтті. Дүбірлі […]