//

Әлемді тек сұлулық қана емес, сонымен бірге қанағат та құтқарады

2024 рет қаралды

Қоғам түзелуі үшін өнердің тілімен көп шындық айтылып-ақ жатыр. Бірақ адамның ниеті бұзылғасын бетін бері қарату қиын… 
Бұл заманда кім өзін жындымын дейді. Бірақ “жынды” болмау үшін “аш бәледен қаш бәле” боп кеткендер қаншама?.. 
Кино саласында әлеуметтік фильм деген ұғым бар. Мына “Дурак” фильмі сондай екен. Көркем деуге келмес, өйткені адал болғаны үшін сұп-сұр өмір кешетін кейіпкердің өмірі түк те көркем емес. Біз кинодан көп күтетін романтика да жоқ мұнда. Тек өзгенің дүниесіне қол сұқпайын деп, өзекке тебілген шарасыз отбасы бар. Олардың бар айыбы “түлкі заманды тазы болып шала” алмай қалғаны. Өзі білген, қауіп еткен шындықты тобырға түсіндіре алмайды, өйткені олардың оны түсінуге не сауаты, не ниеті жоқ. Ал байлар оның шындығын түсінгенімен өздері көгендеулі. 


Түлкі болып заманына икемделген кейіпкерлердің де жаны тыныш емес, өзіне таяқ тиер уақытта қорыққанынан одан үлкен былыққа батып шарқ ұрады. Олар да шарасыз еді, айыбы “жынды” болғысы келмегені, сүреңсіз күй кешкісі келмегені. Жынды болса шындығын не байға не кедейге ұқтыра алмай бейшара күйге түсер еді. 
Арғы бергі тарихта әр халықтың өнері қоғам сипатын кейде осындай натурализммен, кейде абсурдпен, кейде көркем бейнелермен жеткізіп -ақ жүр. Тек оны әркім әрқалай түйсінеді. Мәселені әркім өз білгенінше шешкісі келеді. 
Бабалар көп айтқан ынсап, обал – сауап деген ұғым адам санасынан сетінеп кетпесе екен. Әлемді сұлулық емес, қанағат құтқарады.

Парақшамызға жазылыңыз

Назым Дутбаева

2000 жылы әл-Фараби атындағы ҚазҰУ-дың журналистика факультетін бітіріп, 2000-2002 жылдар аралығында осы факультеттің магистратурасында білім алды.
2002-2005 жылдар аралығында «Қазақ әдебиеті» газетінде тілші, 2005-2006 жылдар аралығында Қазақстан телеарнасында редактор, 2007-2018 жылдар аралығында «Қазақ әдебиеті» газетінде бөлім редакторы болып қызмет атқарды.

Жауап беру

Your email address will not be published.

This site uses Akismet to reduce spam. Learn how your comment data is processed.

Соңғы жазбалар

Қателік кімнен кетті? Балалар ақыны Қуат Әдістің өлеңін өзгенің атымен жариялаған “Алматыкітап” кінәні “Балдырған” журналына жауып отыр

“Алматыкітап” баспасынан 2 сынып оқушыларына арналып дайындалған “Әдебиеттік оқу 2022” кітабына қатысты желіде дау туды. Баспагерлер

«Зорлық-зомбылыққа ұшыраған әйелді күйеуімен татуластырмақ болған»: «Хабар» арнасындағы “Бірақ…» ток шоуы жабылды

 Кеше «Хабар» арнасындағы «Бірақ…» ток-шоуына тұрмыстағы зорлық-зомбылықтан зардап шеккен шымкенттік әйел кейіпкер боп келді. Бағдарлама жүргізушілері