///

Оралман мәртебесін алуға қатысты адвокаттар тегін заң көмегін көрсететін болады

211 рет қаралды
Адвокаттар көрсететін тегін заң көмегі – алимент өндіріп алу, зейнетақы және жәрдемақы тағайындау, босқын немесе оралман мәртебесін алу мәселелері бойынша қолданылады.Бұдан басқа, ата-анасының қамқорлығынсыз қалған кәмелетке толмағандар, сондай-ақ Ұлы Отан соғысы ардагерлері, I және II топтағы мүгедектер, сондай-ақ іс жүргізу заңнамасында көзделген жағдайлар мен тәртіпте өтініш білдірген азаматтарға адвокаттар көрсететін тегін заң көмегі қолданылады. Бұл туралы бүгін Парламент Мәжілісінің спикер Нұрлан Нығматулиннің төрағалығымен өткен отырысында «Мемлекет кепілдік берген заң көмегі туралы» заң жобасы жөнінде баяндаған министр Берік Имашев мәлім етті.

Министрдің айтуынша, адвокаттардың мемлекет кепілдік берген заң көмегін көрсету шегіндегі олардың еңбегіне ақы төлеудің мөлшері мен тәртібін Үкімет айқындайды. «Бұл шаралар толық көлемде білікті заң көмегін алуға азаматтардың конституциялық құқықтары мен мүдделерінің қорғалуын, көрсетілетін құқықтық қызметтердің сапасы мен қолжетімділігін арттыруға септігін тигізеді деп ойлаймын. Тегін заң көмегін көрсету шеңберінде жеке нотариустардан азаматтардың жекелеген әлеуметтік-осал санаттары құқықтық сипаттағы қызметтерге ақы төлеуден босатылады. Ал бұларға Ұлы Отан соғысына қатысушылар мен оларға теңестiрiлген адамдар, көп балалы аналар, созылмалы жүйке ауруымен ауыратын жеке адамдар жатады. Сондай-ақ осы санатқа қарттар мен мүгедектер, жетім балалар, 1 және 2 топтардағы мүгедектер мен жас мөлшері бойынша зейнеткерлер кіреді», – дейді Берік Имашев.

Автор: Қанат Мәметқазыұлы, inform.kz

Жауап беру

Your email address will not be published.

This site uses Akismet to reduce spam. Learn how your comment data is processed.

Соңғы жазбалар