///

Анна Александрова байқауы COVID-19 пандемиясын ауыздықтауға арналады

120 рет қаралды

Сорос Қазақстан қоры дәстүрлі Анна Александрова атындағы байқауын жариялайды. Биылғы байқау азаматтық қоғамның COVID-19 эпидемиясының таралуына қарсы күрес жолындағы күшін қолдауға және аталмыш індеттің елімізде әлеуметтік осал топтарға қатысты жағымсыз салдарын төмендетуге арналады.

Байқаудың негізгі мақсаты – бас бостандығынан айыру орындарынан босап келген тұлғалар,  инъекциялық есірткіні тұтынушылар, секс қызметкерлері, тұрғылықты орны жоқ тұлғалар, сексуалды азшылық топтар, кәмелетке толмаған заң бұзушылар, мигранттар және т.б. тәрізді әлеуметтік осал топтардың құқығын қорғау саласындағы азаматтық бастамаларды қолдауға бағытталған.

Міндеті: Әлеуметтік осал топтардың әлеуетті шешуге болатын және нақты мәселелерін анықтау; анықталған мәселелерді шешуде жоспар құру; әлеуметтік осал топтың мәселелерін шешуде қоғамды тарту; әлеуметтік осал топтың мәселелерін шешуде қоғамның қатысуын ұлғайту.

Байқауға жеке тұлғалар мен заңды тұлғалар қатыса алады. Негізгі басым бағыттары:

  1. Әлеуметтік осал топтарға гуманитарлық көмек көрсетуге бағытталған жобалар
  2. Адвокациялық жобалар
  3. Ақпараттық жобалар

Гранттық байқау екі кезеңнен тұрады (іріктеу және қорытынды). Байқауға қатысу үшін үміткерлер өзі туралы ақпаратты және Сорос Қазақстан қоры сайтындағы арнайы сұранымды толтыруы тиіс:

Байқауға өтініш тапсырудың соңғы мерзімі  – 2020 жылғы 20 сәуір.

Жобаның орындалу мерзімі – 1 айдан 6 айға дейін.

Жоба туралы толық ақпаратпен www.soros.kz сайтында танысуға болады.

Мінбер-ақпарат

Жауап беру

Your email address will not be published.

This site uses Akismet to reduce spam. Learn how your comment data is processed.

Соңғы жазбалар

Пневмониядан қайтқан бас санитар қалайша ковидтен қайтқан тізімге еніп кетті? Бұл қарапайым халықты алалау емес пе?

Бұқаралық ақпарат құралдары арқылы Орталық клиникалық аурухананың нейрохирургі Мыңжылқы Бердіқожаевтың  пневмонияға шалдыққан жүздеген, мыңдаған науқасты короновируспен ауырғандардың

Қазақтың ән өнері қара жамылды

74 жасқа қараған шағында Қазақтың маңдайалды композиторы, Қазақстанның еңбек сіңірген өнер қайраткері Кеңес Дүйсекеев қайтыс болды.