Бүгін еліміздің Денсаулық сақтау министрі Алексей Цой Орталық коммуникациялар қызметінде өткен брифингте азаматтарды интернеттегі видео-кеңестерге аса сақтықпен қарауға шақырды. “Қазір әлеуметтік желілерде әлемнің түкпір-түкпірінен шыққан беймәлім профессорлар мен отандық дәрігерлердің түрлі рецепті мен кеңесі көбейіп кетті. Олар белгілі бір препараттардың да атын атап жүр. Осы ретте аса мұқият болыңыздар. Елімізде халықаралық сарапшылар мен қазақстандық мамандардың шешімімен бекітілген клиникалық хаттамасы бар. Коронавирустың ауыр белгілері болмаса, дене қызуыңыз көтерілмесе, КТ өкпедегі сырқаттың 20 пайыздан аспағанын көрсетсе, бірден 5-6 антибиотик ішудің қажеті жоқ. Препарат симптоматикалық жағдайда қолданылады, өйткені әрбір дәрінің кері әсерін де ескеру керек”, – деді министр. Сондай-ақ, Алексей Цой коронавирусқа шалдыққан азаматтар жаппай таппай жүрген “Цефтриаксон” препаратының аналогын да атады. Яғни, сіз іздеген “Цефтриаксон” дәріханада болмаса, оның баламасын пайдалануға болады. “Антибиотиктерге келсек, мысалы, елдің бәрі “Цефтриаксон” іздеп жүр, бізде бұл препараттың 30 жуық атауы тіркелді – “Цефаксон”, “Аксон”, “Белацеф”, “Севацеф”, “Сертицеф”, “ЦЕФ-триаксон”, “Ротацеф”, “Медаксон”, “Зибан”, “Цефасон”, “Рифин””, – деді министр. Құрамында парацетамол бар препараттардың да нарықта аналогы көп. “Панадол”, “Ингрипп”, Антифлю, Антигриппин, “Тайлор”, “Комбигрипп”, “Максигриппин”, “Неофлю”,” Аскофен”,”Фервекс” сынды Қазақстанда тіркелген препараттар дәріхана сөрелерінде тұр. Ал азаматтар оны “Парацетамол” деп іздеп жүр. Аталған дәрілердің құрамында парацетамол бар, яғни оларды температураны төмендету үшін қабылдауға болады. Алексей Цой азаматтардан дәріханаларға түскен вирусқа қарсы препараттарды “қажет болып қалады” деген оймен жаппай сатып алып, үйде сақтауды тоқтатуды сұрады. Өйткені қолдан жасалған тапшылық салдарынан жағдайы ауыр, нағыз мұқтаж науқастар қиналып қалады. Министр Қазақстанда коронавирусты емдеуге арналған клиникалық хаттамаға “Фавипиравир” деген жаңа препарат қосылғанын да айтты. Препарат жақында стационарларға жеткізіледі. “Фавипиравир” коронавирус инфекциясының ауыр түріне шалдыққандарды емдеуге ғана қолданылады. Сонымен қатар, шетелдік әріптестерімізбен бірге коронавирус инфекциясына қарсы вакцинаны апробациялау бойынша клиникалық зерттеу аяқталуға жақын, – деді Денсаулық сақтау министрі.
Парақшамызға жазылыңызҚР Денсаулық сақтау министрі: Интернеттегі видео-кеңестердің бәріне бірдей құлақ асу – денсаулыққа қауіпті
Соңғы жазбалар
Масс-медиа туралы заң жобасының Мәжілісте құрылған жұмыс тобының құрамында тоғыз айға жуық жұмыс істедік. Тәуелсіз сарапшылармен
Алматы облысы Талғар ауданында орналасқан Әл-Фараби атындағы №31 Тұздыбастау мектебінде бастауыш сынып оқушылары үш ауысымда оқиды.
Жалқамыс – Алматы облысы, Талғар ауданынан 26 шақырымда жатыр. Ауыл 12 елдімекенді біріктірген Қайнар ауылдық округінің
Құрметті павлодарлық журналистер! Сіз Датаға негізделген материал жасауды мақсат етіп, мақала жазуда жасанды интеллектің көмегіне жүгінгіңіз келе
Батыс Қазақстанда су тасқыны қаупі сейілмей тұр. Бүгінгі соңғы гидрологиялық бюллетеньнің мәліметтеріне сәйкес Жайық өзенінің деңгейі
Батыс Қазақстан облысының әкімдігі су тасқыны басталғаннан кейін көп кешікпей Батыс Қазақстан облысында су тасқынынан зардап
Ақмола облысында су тасқынынан зардап шеккендерге eGov Mobile қосымшасы арқылы көмек алуға өтінім беру бойынша пилоттық
Қазіргі таңда өмірімізді пластиксіз елестету қиын. Күнделікті өмірде қолданатын көптеген заттардың құрамында пластик бар. Бірақ пластик
Сенаторлар әйелдердің құқықтары мен балалардың қауіпсіздігін қорғауды күшейту туралы заңды мақұлдады
Бүгін Сенат Спикері Мәулен Әшімбаевтың төрағалығымен Палата отырысы өтті. Онда депутаттар әйелдердің құқықтары мен балалардың қауіпсіздігін
Қаңтар айында ProTenge-де «Азаттық» радиосы журналистерінің аккредитациядан өтпегені туралы пост жарияланған болатын. ProTenge мұндай прецеденттерді жария