Бизнестің әлеуметтік жауапкершілігі: Қазақстан қор биржасындағы ақпаратты іздеудің жолы (Қостанай өңірі: екінші күн)

Қарашаның 24-інде “Мінбер” журналистерді қолдау орталығының ұйымдастыруымен “Бизнестің әлеуметтік жауапкершілігін жазудың ерекшеліктері: ERG мысалында” тақырыбында Қостанай өңірінің журналистеріне арналған тренингтің екінші күні аяқталды. Қатысушылар Қазақстан қор биржасындағы ақпараттар мен мемлекеттік кіріс департаментінің мәліметтерін пайдалана отырып, бизнес тақырыбында мақала дайындаудың қыр-сырын меңгерді. Елдегі экономикалық ахуалды қарапайым әрі түсінікті тілмен баяндап берудің жолдары, ірі корпорациялардың есебінен ақпарат дайындау амалдары сарапқа салынды.  Медиа тренер – Пиар маманы, “Іскерлік журналистика” мектебінің негізін қалаушы, Ербол Азанбек. Шараға Қостанай өңірінде әртүрлі медиада қызмет етіп жүрген журналистер қатысуда. Шара ERG Komek корпоративтік қорының демеушілігімен жүзеге асуда.