Қалың қазаққа танымал азамат, “Тақиялы періште” фильмінде басты рөлді сомдаған актер , Алматы облысының Құрметті азаматы, ҚР мәдениет қайраткері Әлімғазы Райымбеков 85 жасқа қараған шағында дүниеден озды.
Актер алғаш рет 1965 жылы “Ән қанатында” фильміндегі спорттық іс-шараларға шақырту алады.
1966 жылы “Қилы кезең” фильміне түседі.
1968 жылы қазақтың классикалық “Тақиялы періште” (реж: Шәкен Айманов) кинофильміндегі Тайлақтың рөлін сомдайды. Осы ролі оны өте танымал етті.
1968 жылы “Көгілдір такси” фильміне түсті.
1978 жылы “Қан мен тер” фильмінде эпизодтағы рөлді сомдаған.
1979 жылы “Егер сіз он екі жасқа болғанда” фильміндегі Қатештің әкесі рөлінде және т.б бас аяғы 12 кинофильмге түскен.
Әлімғазы қария Алматы облысы Көксу ауданы, Еңбекшіқазақ ауылында дүниеге келген.
Жаназасы 20 қаңтар күні Еңбекшіқазақ ауылында шығарылады.
