ЖАҒАСЫНДА ТАЙННЫҢ
Жағалауы Тайнның,
Әдеті осы күндегі.
Сұлу сурет судағы —
Кемпірқосақ түндегі.
Жағасында Тайнның-1,
Судан көрдім қаласын!
Аймалаймын көзіммен,
Суда жанған қарасын…
Айды құшып Арқада,
Арасында қайыңның.
Жүрген кездер оралды,
Жағасында Тайнның.
Су бетіне телміріп,
Көрдім қала сәулетін.
Есен десем Есілім,
Ести ме екен, Дәулетім-2?
Тұрмын түнде жылы ауа,
Жағасында Тайнның.
Баяу басқан ағыстай,
Ағып жатыр уайым-мұң.
Жағасында Тайнның.
28.12.2021 ж.
Ескерту:
Тайн-1 – өзен. Англияның Ньюкасл қаласы.
Дәулет-2 – Дәулеткерей Кәпұлы
