///

Вице-премьер Тоғжанов: Орыс тілінің Конституциядағы мәртебесі сақталады. Оны саясатқа айналдырудың қажеті жоқ

766 рет қаралды
Үкімет басшысының орынбасары Ералы Тоғжанов әлеуметтік желіде тарап жатқан ақпаратқа қатысты пікір білдірді.
Қазақстандықтар арасында тілге қатысты сан алуан петициялар таралып жатыр. Ал кейбір видеоларда алдағы референдумда тілге қатысты жасырын шешімнің қабылдануы туралы айтылады.
Вице-премьер Ералы Тоғжанов осы мәселеге қатысты әр түрлі пікір бар екенін атап өтті.
Бірақ қандай да бір өзгеріс жасауға аса қажеттілік жоқ. Сондықтан алдағы референдумда тілге қатысты мәселе шығарылмайды, дейді ол.
“Мемлекеттік тілдің мәртебесі бұрыннан бері бекітілген. Қазір бұл саяси тұрғыда қаралатын мәселе емес, туған тілді тереңдетіп зерттеу керек. Мәселе сонда. Мен өзім еліміздің барлық азаматы алдымен мемлекеттік тіл – қазақ тілін білуі керек деп санаймын. Еліміздің азаматтары орыс тілін де білуі керек. Өйткені тарихи көршіміз бар, шекарамыз да 7 мың шақырымға жуықтайды. Меніңше, еліміздің азаматтары болашақта ағылшын тілін де білуге міндетті. Сол себепті көптеген мектептерде көптілді оқытуға басымдық беріледі. Бұл – дұрыс бағыт”, – деді Тоғжанов сенаттағы парламенттік тыңдаудан кейін журналистерге берген сұхбатында.
Оның айтуынша, көп тіл білген адам ұтылмайды, керісінше, жан-жақты дамиды.
“Сондықтан бұл мәселені саясатқа айналдырмауды сұраймын”, – деп атап көрсетті Тоғжанов.
Айта кетері, Конституцияға өзгеріс енгізуге арналған республикалық референдум 5 маусымда өтеді. Бюллетеньде бір ғана сұрақ болады. Соның нәтижесінде Ата заңымыздың үштен бір бөлігіне өзгеріс енгізіледі.
Референдумның нәтижесі ресми түрде жарияланған сәттен бастап Конституцияға өзгеріс жасалады. Ол үшін арнайы заң немесе жарлық шығарудың қажеті жоқ.
sputnik.kz
Парақшамызға жазылыңыз

Жауап беру

Your email address will not be published.

This site uses Akismet to reduce spam. Learn how your comment data is processed.

Соңғы жазбалар

Арыс саңлағы – Солтікен

Алғашқы арыста 1975 жылы күз. Қытайдың Шыңжаң өлкелік балуандар командасына Алтай, Тарбағатай, Іле, Қашқар, Қотан, Ақсу,