Фото: digitalbusiness.kz
Абай облысының Бестерек ауылында болған қайғылы жол апатынан кейін 55 жастағы жүргізушінің 2013 жылдан бері «эпилепсия» диагнозымен есепте тұрғаны анықталды, деп хабарлайды «Жетінші арна».
Апаттан соң полиция департаменті тарапынан талап қойылып, Үржар аудандық соты жүргізушінің көлік жүргізу құқығын уақытша тоқтатты.
Заңға сәйкес, эпилепсия диагнозы бар адамдарға көлік жүргізуге тыйым салынған. Себебі, кенеттен ұстама болып қалу үлкен қауіпке, тіпті қайғылы жағдайға алып келуі мүмкін.
Айта кетейік, бар-жоғы екі апта бұрын Астана прокуратурасы он адамға дәл осындай диагноз қойылып, олардың жүргізуші куәлігі алынғанын хабарлаған. Тексеру барысында кейбір азамат дәрігерлік тыйымға қарамастан рульге отырғаны анықталған. Бір жағдайда жүргізуші талма кезінде екі жаяу жүргіншіні қағып кеткен.
Қазіргі таңда күдікті уақытша ұстау изоляторында. Оның үстінен қылмыстық іс қозғалып, екі айға қамауға алу түріндегі бұлтартпау шарасы тағайындалды.
Бегім Көктүрік
Парақшамызға жазылыңыз
