Жеңіс күніне үш күн қалғанда Шымкент қаласындағы Абай атындағы саябақта орнатылған Даңқ ескерткішінен Георгий лентасы алып тасталды. Қала билігі осындай шешім қабылдаған тәрізді. Оның орнына қазақ оюларымен көмкерілген, ҚР туы түстес лента қашалды. 

Халық арасында дауға айналған лентаны алып тастау туралы жұмыскерлерге кімнің пәрмен бергені әзірге белгісіз. Ресми органдар тарапынан бұл тұрғыда еш пікір айтылмады. Ал жұмысшылардың өздері «Шымкент қалалық сайты» тілшілерінің  сауалына жауап беруден бас тартқан.