Ұлы Отан соғысы мүгедектерінің клинкалық госпиталінде Ұлы Жеңіс күніне арналған салтанатты іс-шара өтті. Мерекелік концерт ұйымдастырылып, госпитал қызметкерлері арнайы дастархан жайды. Көптен көріспен майдангерлер астан дәм татып, арқа-жарқа әңгімелесіп бір жасап қалды.
Ұлы Отан соғысы мүгедектерінің клиникалық госпиталінің бастығы Марғұлан Шәкіров: «Ардагерлерді ардақтау парызымыз. Жыл сайын жеңісті жақындатқан жандардың басын қосу біздің госпиталдің дәстүрі. Мұндай шаралар «Ұлы жеңістің ұрпаққа аманат» екендігін үнемі жадыда жаңғыртуға үлесін қосады» дейді. Жалпы қазақ топырағынан Ұлы Отан соғысына бір миллионнан астам ержүрек жауынгерлер қан майданға аттанған. Содан елге аман-есен оралған майдангерлер, тыл еңбеккерлері, ҰОС ардагерлеріне теңестірілгендер Ұлы Отан соғысы мүгедектерінің клиникалық госпиталінде ем алады.
minber-ақпарат.
Парақшамызға жазылыңыз
