Электрондық желілерді басқарумен айналысатын қазақстандық компания «KEGOС» АҚ «Электроэнергетикалық саладағы әлеуметтік маңызды жобаларды ақпараттандыру» тақырыбы аясында баспасөз, электронды және интернет-БАҚ журналистері арасынан лауреаттарды анықтады.
Мұндағы мақсат – саланың дамуына байланысты сауалдарға қоғам назарын аудару. Конкурс комиссиясы 2012 жылдың 1 қаңтары мен 20 желтоқсаны аралығында қазақ және орыс тілдерінде жарияланған материалдарды қарастырған болатын.
«Жеті аталым негізінде лауреаттар анықталды. «Оперативтілік» аталымы бойынша «ҚазТАГ» ақпарат агенттігінің редакциясы таңдалды», дейді компания өкілдері.
«Үздік материал» аталымы бойынша «Егемен Қазақстан» газетінің журналисі Ж. Жағыпарұлы марапатталса, «Объективтілік» аталымы «Курсивъ» газеті редакциясына бұйырды. «Нақтылық» аталымын «Литер» газетінің редакциясы алды. «Сұхбат» аталымын «Халық сөзі» газетінің тілшісі Д. Дүйсебай жеңіп алса, «Ақпараттық қолдау» аталымы BNews.kz ақпараттық порталының редакциясына берілді. Ал, «Желідегі дамуды» блогер А. Төреғұлов еншіледі.
Internews.kz
Парақшамызға жазылыңыз
