//

Оқудан шыққан 117 студент мәселесі: сертификатын сатқандар табылды

659 рет қаралды

Астана полициясы «Астана» медицина университетінің 117 студентін оқудан шығаруға себеп болған жалған IELTS сертификаттарын сатқандарды анықтады, деп хабарлайды “Ұлт ақпарат” қалалық ІІД-нің баспасөз қызметіне сілтеме жасап.

«Астана ІІД Тергеу басқармасында «IELTS» халықаралық сертификаттарын қолдан жасау фактісі бойынша тергеу жалғасып жатыр. Күдіктілер анықталып, оларға қатысты сертификаттарды сату фактісі бойынша сотқа дейінгі тергеу жұмыстары жүргізілуде. Тергеу барысы ІІД басшылығының қадағалауында», – деп хабарлады департаменттен.

Сондай-ақ, ІІД-де жалған сертификаттарды қолдану фактісі бойынша ҚР ҚК 385-бабы бойынша 27 қылмыстық істің сотқа жолданғаны атап өтілді. Сертификаттарды қолдану бойынша қалған жағдайлар өндірісте жатыр. Процессуалдық шешім қысқа мерзімде қабылданады.

Еске салайық, «Астана» медициналық университетінде дау шыққан болатын.  Мұнда магистратура, резидентура және докторантураға оқуға түсу кезінде қолдан жасалған IELTS сертификаттарын қолданғаны үшін 117 студент оқудан шығарылды.

Кеше өткен баспасөз мәслихатында ЖОО ректоры Мәжит Шайдаров жалған сертификат ұсынғандардың тізімі жарияланатынын мәлім етті.

Сондай-ақ оқудан шығарылған студенттер мемлекетке қанша ақша қайтаруы тиістігі атйылды. Жоғары оқу орнынан кейінгі білім факультетінің деканы Ернар Тұрсынбеттің дерегінше, магистратура мен резидентура бойынша ай сайын 61 561 теңге шәкіртақы төленсе, докторантурада оқитын білім алушылар 81 998 теңге шәкіртақы алған. Мұнан бөлек, ай сайын оқуға магистратурада 61 мың теңге, резидентурада 67 мың теңге және докторантурада 120 мың теңге жұмсалған.

Сондай-ақ мәлім болғандай, аталған 117 студент магистратура мен докторантураға қайтадан түсе алады. Бірақ ақылы негізде ғана.

ult.kz

Парақшамызға жазылыңыз

Жауап беру

Your email address will not be published.

This site uses Akismet to reduce spam. Learn how your comment data is processed.

Соңғы жазбалар

Қателік кімнен кетті? Балалар ақыны Қуат Әдістің өлеңін өзгенің атымен жариялаған “Алматыкітап” кінәні “Балдырған” журналына жауып отыр

“Алматыкітап” баспасынан 2 сынып оқушыларына арналып дайындалған “Әдебиеттік оқу 2022” кітабына қатысты желіде дау туды. Баспагерлер

«Зорлық-зомбылыққа ұшыраған әйелді күйеуімен татуластырмақ болған»: «Хабар» арнасындағы “Бірақ…» ток шоуы жабылды

 Кеше «Хабар» арнасындағы «Бірақ…» ток-шоуына тұрмыстағы зорлық-зомбылықтан зардап шеккен шымкенттік әйел кейіпкер боп келді. Бағдарлама жүргізушілері