Қазақстан Республикасының Спорт және мәдениет минстрлігінің хабарлауынша Астана қаласында Қазақстан Республикасы Мәдениет және спорт минстрі Арыстанбек Мұхамедиұлының арнайы қатысуымен Шайсұлтан Шаяхметов атындағы «Til-Qazyna» ұлттық ғылыми-практикалық орталығында «Til-Qazyna» республикалық ақпараттық танымдық газеті қазақ әліпбиін латын графикасына көшіру бойынша қазақ тілінде латын графикасында жарық көретін алғашқы басылымның тұсауы кесілді. Газет айына екі рет жарық көреді.
Елбасымыз Н.Ә.Назарбаев өзінің кезекті Жолдауларының бірінде: “Біз алдағы уақытта да мемлекеттік тілді дамыту бағытындағы кешенді жобаларды жүзеге асыруды табандылықпен жалғастыра береміз. Қазақ алфавитін 2025 жылға қарай латын графикасына көшіруге дайындық жұмысын осы бастан қолға алу қажет. Бұл қазақ тілін жаңғыртып қана қоймай, оны осы заманға ақпараттың тіліне айналдырады “-деген болатын.
Мінбер-ақпарат
Парақшамызға жазылыңыз
