Алматыдағы Holiday Inn Express қонақ үйінде “Мінбер” журналистерді қолдау орталығының ұйымдастыруымен өткен “Журналистиканың негізгі машықтары: Тереңдетілген деңгей» атты тренингінде қатысушылар “Ақпаратқа қол жеткізу және ашық ресурстар (ақпаратты жинау әдістері, мемлекеттік сатып алу)” тақырыбында, белгілі журналист, СДУ “Журналистика” мектебінің аға оқытушысы Елнұр Алимованың дәрісін тыңдады.
Елнұр Алимова ұзақ жылдар “Жас Алаш” газетінде жұмыс істеген. www.malim.kz сайтын құрушылардың бірі. Қазір “Азаттық” радиосында фрилансер. Сондай-ақ, әріптесі Бағдат Асылбекпен бірге “Рас айтамын” телеграм каналын құрып, бюджет қаржысының қалай тиімді жұмсалғандығына қатысты зерттеулер жасаған.
Елнұр ақпаратқа қол жеткізу, ашық ресурстармен жұмыс істеудің жолдары, компаниялардың иелерін анықтау секілді журналиске қажетті аса маңызды машықтарды үйретті.
Парақшамызға жазылыңыз
