Үрiмжi “Назгу” автостанциясы. Алматы-Үрiмжi-Алматы бағытына қатынайтын
автобустар да осы жерден жүреді. Қыстың күні, жолаушылар сирейтін мезгіл. Топырлаған
топтың шетiнде тапжылмай бір қыз тұрды. Үскіріктен ығатын түрі жоқ. Қақаған аязда,
қара суықта жалаңбас жүре беретiн қытай әдетiн ұстанған. Бас киімсіз. Қой көздi қоңыр
жүздi. Сол қызға назарым ауды. Сонымды сездіме, таяп келді. Қыбырдан секемденетiн
елiктiң лағындай екен, менi тiнте қарап алды. Түр-түсін ішіп-жегім келіп бара жатса да
сұқтана қоймадым. Ол өзі ашыла бастады.
–Алматыдансыз ғой?
–Иә.
– Менің де Алматыға барғым келіп еді… Мен сізді бағанадан бақылап тұрмын.
Қазақстансыз ғой.
–Қазақстаннанмын… Алматыданмын дедім ғой…
–Әлгiндегi «құжаттағы мөрі күшсiз» деп жатқан адам менмін.
–А-а-а
– Туыстарым Бейжiнге дейiн барып, бiр жыл сарпалдаңға түсіп жүріп әрең дегенде рұхсат алған едi, ендi мiне жүргелi тұрғанда тағы бiрдеңесi болмай қалыпты. – Сөзiнiң соңы әзер естiлiп, иегiнен дiрiл бiлiндi. Көз шарасын жас торлап, жүзiндегi мұң қоюлана түстi. «Оны несін маған сөз қып тұр екен?».
– Алматыға алғаш барғалы тұр екенсiз ғой?
–Бармайтын болдым! – Қыз жанарын жарқ еткiзiп көтердi де, дидары жылып, күлiмсiрген
көзiнде үмiт ұшқыны көрiндi.
– Әке-шешем Шуда тұрады. Шақыру жiберген. Бір емес, неше қайтара келдi сол шақыру.
Паспорт алғаннан берi тоқтай алсамшы. – Ол күлдi де, iле-шала “сағындым” деп
кiрпiктерiн қағып едi, жасы моншақтап кеттi.
–Құдай қаласа, ертең осы мөлшерде Алматыда тұрамыз,– дедiм. Жас қыз жас жуған кiрпiктерiн жыпықтата қарады.
–Жібергілері келмеді-ау деймін… Сіздер бақыттысыздар. Жылап қойдым, жыламаймын деп өзіме ант берген едiм…Сіз Қазақстан болған соң өзімсініп…
Ақсудан көшерде, “оқуыңды жалғастыра бер, аман болсақ, кешiкпей табысармыз,
ағайын-туыстар арасында қала тұр, бiз орналасып алайық” дескен екен әке-шеше. Ендi
ойласа, бекер ажыраған, араласпақ түгiлi, айында-жылында көрiсу мұң болыпты ай-күннің
аманында.
Автобус қозғалды. Қарамыз үзiлгенше, қаршадай қыз қалшиған күйi қадалып қарап
тұрды.
«Қарағым–ай!».
Б.Бәмішұлы
Қарағым-ай
Соңғы жазбалар
Фото: pixabay.com Астанадағы мектеп басшылығы 900 млн теңге жымқырды деген күдікке ілінді Мәлімет ресми органдардан алынған,
Біз Үзүк атауын Ұлы Шыңғыс хағанның анасы Өэлүннің есіміне қосарлана жалғанып айтылатын «үжин» сөзімен байланыстыра қарастыруды
Алматыдағы Германияның Бас консулы Маттиас Кислердің бұл лауазымға араласқанына енді бір айдан кейін бір жыл толады.
Halyk Bank 300 миллион АҚШ доллары сомасына синдикатталған қарыз тарту бойынша мәмілені сәтті жасағаны үшін СЕЕ
Фото: istockphoto.com Кеше БҚО ТЖД жедел кезекшісінің пультіне Бөкей ордасы ауданының Сайқын ауылындағы темір жол өткелінде
2025 жылдың 23 маусымында Алматы облысы, Талғар қаласында FIFA стандарттарына сай “KFF Academy by Almaty International
(Ақын-абыз Зуқай Шәрбақынұлы мен апайым Нәзира Үкібайқызына) Өмірдің ойнамалы жүлгесінде, Алдым ғой қайғысын да, жүлдесінде. Жерлермен
Фото: Спортты дамыту дирекциясынан Ташкент қаласында спорттық гимнастикадан Challenge Cup жарысында ұлттық құраманың 3 спортшысы жеңіс
Индонезияның Бали қаласында семсерлесуден сары құрлық бәсекесі өтіп жатыр. Бүгін Қазақстан ерлер командасы 2-орынға табан тіреді.
Вьетнамның Вунгтау қаласында басталған 23 жасқа дейінгі палуандар арасындағы Азия чемпионаты қыза түсті. Кеше әйелдер және