Желтоқсанның 16-ы Тәуелсіздік күні

Тәңір сынағы

(Тәуелсіздік және Хан Кене)

Сағымын еркелетіп сара желім,

Сағынтқан сары әуенге салады елім.

Жаңғырып жатыр мынау Сары дала,

Хан Орда –

Қала Астана –

Қала келін.

Қазақпын!

Қандай ғажап жер естіді үн.

Бетімен кетті безіп елесті күн.

Түтіні,

Бүтіні бар,

Бар екемін,–

Бар болса ғана қолда дербестігім.

Уақыт ұсынғанда

Төл – несібе,

Айналып алпауытар төрлесіне.

Жағылған нарттай нұрлы

Ұлт – жұлдызым

Азаттық –

Ақ арманның көмбесіне.

Енді еркін

өз көгіме ұмтыламын,

Бас байлық –

Берекеге ынтығамын.

Тұмарым–

Тәуелсіздік төрімдегі,

Ал оның алтын бауы –

Ынтымағым.

Қаптатып қайдағыны аласа ұғым,

Қадаған қайсы біреу қара сұғын.

Өзімнің –

Тәуелсіздік қарашығым.

Мен оның –

Әкесімін,

Анасымын!

Барымды,

Балымды бек жегіземін,

Балпиған бай баласы дегіземін.

Өйткені

Әкесімін,

Сүлейімін.

Сүтімді

Анасымын еміземін!