Алматы облысында апатқа ұшыраған МИ-8 тікұшағындағы қара жәшіктің құпиясы әлі ашылмады. Борттағы тіркеу құралын оқу үшін Ресей ғалымдары қосымша уақыт сұрады. Бұл туралы бүгін бас көлік прокуратурасының өкілдері хабарлады. 
Әуе кемесінің борттық тіркеу құралын отандық мамандар оқи алмағандықтан, Ресейге жіберілді. Ондағы ғалымдар бір ай ішінде қара жәшікті ашып, апат уақытында тіркелген барлық ақпаратты анықтап береміз деген. Бірақ, 30 күн өткенімен, әлі нәтиже жоқ. Енді, Ресей ғалымдары биылғы қаңтардың 31-не дейін қара жәшікті толық зерттеп беретіндерін айтты. Ол үшін қосымша ақпараттар жолдауды сұратып жатыр.
«ЕвроАзияЭйр» әуе компаниясының МИ-8 тікұшағы 2012 жылдың қараша айында Алматы облысы Үшарал қаласынан 90-95 шақырым жерде апатқа ұшырады. Тікұшақтағы экипаж мүшелері мен жолаушылар түгел қаза тапты.
Берік ХАСЕНОВ
astanatv.kz
Парақшамызға жазылыңыз
