Қызылордадағы облыстық Ә. Тәжібаев атындағы әмбебап ғылыми кітапханада ЮНЕСКО-ның Алматыдағы кластерлік бюросының қолдауымен «Мінбер» журналистерді қолдау орталығының мұрындық болуымен «Қауымдық медиа орталық құру және Ақпаратқа қол жетімділік» тақырыбында семинар- тренинг басталды. Семинар тренингтің негізгі мақсаты жергілікті ақпаратты дамыту, жергілікті халықтың өздеріне қатысты ақпаратты алуы және сол арқылы жергілікті проблемаларды жергілікті билік өкілдерінің құлағына жеткізу жолдарын табу.
Cеминар-тренинг Қазақстан Республикасы Үкіметі мен БҰҰ-ның Қызылорда тұрғындарына әлеуметтік қызмет көрсетуді жақсарту бірлескен жобасы аясында жүзеге аспақ. Сырдария өзені бойындағы ауылдар тұрғындарының қоғамдық-маңызды сапалы ақпарат алу мүмкіндігі көзделуде. Қоғамдық-маңызды сапалы ақпаратқа қол жеткізу – өзін-өзі тиімді басқарудың факторы. Қауымдық мультимедиа орталықтар жергілікті тұрғындардың ақпараттық алаңына айналмақ. Тренингке өңірдегі 10 онлайн медиа орталықтың өкілдері мен 20-ға жуық еріктілер тартылып отыр. Семинар-тренинг екі күнге жалғаспақ.
Парақшамызға жазылыңыз
Істеріңе сәттілік тілеймін!