Оралда облыстық жедел медициналық жәрдем станциясының басшысы мен бірқатар қызметкері ұсталды деп хабарлайды halyqstan.kz
Куәгерлердің айтуынша, тұтқындау бір күн бұрын жұмыс кезінде болған. Ғимаратқа екі көлік келіп тоқтаған, адамдар көліктен шығып, директордың кабинетіне, сосын тағы бірнеше жоғары лауазымды қызметкерлердің кабинетіне кірген.
Куәгерлердің айтуынша, ұсталғандардың бірі қашуға әрекеттенген, бірақ офицерлер ширақ қимылдап, олардың қолдарына кісен салып, алып кеткен.
Облыстық денсаулық сақтау басқармасы бұл жағдайға қатысты әзірге түсініктеме бермеген.
Соттың баспасөз қызметі олардың сотқа дейінгі тергеу деректерін жария етуге құқығы жоқ екенін мәлімдеген.
Жедел жәрдем станциясы ғимаратындағы директор кабинеті мен мұрағат бөлмесі мөрленген деп хабарлайды дереккөз.
Парақшамызға жазылыңыз
