Фото: t.me/madenietaqparat
Қазақстанның Халық әртісі, қазақ және әлемдік театр мен кино өнерінің көрнекті өкілі Асанәлі Әшімұлы Әшімов өмірден озды.
Мәдениет және ақпараи министрлігі көңіл айту жазып, хабарлады.
Асанәлі Әшімұлы 1937 жылы 8 мамыр Сарысу ауданы Жамбыл облысында дүниеге келген.
Кеңестік және қазақстандық кино және театр актері, кино және театр режиссері, театр педагогы, профессор.
Қазақ КСР халық әртісі (1976), КСРО халық әртісі (1980).
Қазақ КСР мемлекеттік сыйлығының лауреаты (1973),
КСРО мемлекеттік сыйлығының лауреаты (1974).
Қазақстан театрлар ассоциациясының президенті, Мұхтар Әуезов атындағы Қазақ мемлекеттік академиялық драма театрының көркемдік жетекшісі қызметін атқарды.
Қазақстанның Еңбек Ері (2017).
Асанәлі Әшімұлы ұлттық руханияттың дамуына өлшеусіз үлес қосқан, қазақ театр және кино өнерінің биік кәсіби мектебін қалыптастырған дара тұлға.
Оның сахна мен экранда жасаған көркем бейнелері, режиссерлік және педагогикалық қызметі отандық өнер тарихында айрықша орын алады.
Марқұмның иманы саламат, жаны жәннатта болғай.
Парақшамызға жазылыңыз
Асқар тауымыз едің – аласармадың… Аспанға кеттің… Мәдиіңді ойлап мұң байладың… Сағиыңды сағынып сал шекпен жамылдың… Қатарыңнан жалғыз едің – соңдарынан кеттің… Қатарымнан жалғызбын – арттарында қалдым…. Ағалық жасап арқамнан қақпадың – әлжуаздықтан сақтадың…Көкем болып, көңілімді өсірмедің – кішілігім кем боп жақпадым… Жерлес ретінде жығылғанымда жебемедің – өз күшіме сендірдің… Сүйеніш болмадың – жансірілікке үйреттің… Тірегім болмадың – табаным таймастай тағаладың… Белімді бумадың – бекемдікке баулыдың… Алдымда жүріп, адымымды ұзарттың… Соңыңда қалдырмадың – ізіңде жүргенімді сездің… Қатарымды тептің… Тізеңді батырдың – Мен кештім… Биіктігіңе парапар, Пенделігіңді көрдім – Өзің де кеш… Өкпеге қисам да, Өлімге қимадым… Сарыуайым – Сағынышқа айналдың… Қош… Бақыл бол…Жаманқұлов Тұңғышбай