Орал қаласындағы «Жайық Арена» спорт кешенінде дзюдодан ересектер арасындағы Қазақстан Республикасының чемпионаты басталды.
Ел біріншілігінің алғашқы күнінде татами төріне әйелдер арасында 48 және 52 келі, ал ерлер арасында 60 және 66 келі салмақ дәрежесіндегі спортшылар шығады.
Биылғы ел чемпионаты Батыс Қазақстанда дзюдо спортының үлкен додаларының біріне айналып отыр. Байрақты бәсекеге еліміздің үш ірі қаласы мен 17 өңірінен 600-ге жуық спортшы қатысуда.
Бұл чемпионаттың маңызы да айрықша. Себебі ел біріншілігінде жүлде алып, жеңімпаз атанғандар ұлттық құрама сапына еніп, халықаралық жарыстарда ел намысын қорғауға мүмкіндік алады.
«Жайық Аренада» қызу тартыс қыркүйектің біріне дейін жалғасады.
Түгелбай Бисен,
БҚО
Фото:БҚО спорт
Парақшамызға жазылыңыз
