Еуро құнсыздануда

Соңғы он айдың ішінде еуро құлдырап барады.
Әлемдегі қаржы жаңалығын сараптайтын Блумберг агенттігі инвесторлар халықаралық сауда биржаларынан еуромен есептелген активтерін әкетіп жатыр. Себебі әлемнің орталық банктері еуроны баяу сатып алуда.
Ал әлемдік трейдерлер осымен төрт айдан аса уақыт бойы өзге әлемдік нарықты қолдау үшін еуропа акцияларына ақша құюдан бас тартуда. Нәтижесінде еуропаның қаржы қорлары 13 млрд. АҚШ долларына жуық ақшадан айырылды.
Келесі бір қызық жайт, 2009 жылдың 25 қарашасынан бері еуро 8,4 пайызға арзандаған. Он айдың ішінде құнын жылдам жоғалтып бара жатқан валюта қазір еуро болып тұр.
Еуроның басына қатердің төнуіне еуро аймақтағы елдердің қарыздарының көбейіп кеткендігі түрткі болған. Әсіресе, Грецияның борышы алаңдатуда. Лондонның сарапшысы Нил Маккиннің ойынша, бір еуро 1 доллар 20 центке дейін арзандауы мүмкін. Ал миллардер Джорж Сорос болса, Давостағы форумда «дүниежүзінде әзірге долларға балама болатын ақша жоқ» деген еді.
Нью Йорк университетінің профессоры, экономист Нуриэль Рубин еуропадағы елдердің бюджеттеріндегі қиындықтар экономикаға үлкен қатер тудырып отыр. Бұның соңы валюталық одақтың күйреуіне әкеп соғады деген болжам жасайды.