Ораза айт күні туған өлең

Ораза айт күні туған өлең

Қабыл болсын, Ораза айт,

Айтуға өтірік болар ма?

Күнәдан кеше тазарып,

Бүгін батқан оңар ма?

                           Автордан         

Жұмыстап тұр жалғыз жұмыр бас қана,

Жұмыршақ құр, жұртым қара – жас бала.

Жалған жақтар жарыса шулап сөйлейді:

«Жас қаламыз –

Астанамыз Он сегізде!!!»…

Мас Тана.

Сүркей самал Арқа төстен еседі,

Ұстағаны уысында ақиқаттың кесегі.

Кенесары басын тіккен бәйгеге,

Қараөткел,

қайда Бозақ кешегі?

Шағылысып шыны сарай –

қақ қора.

Сары сірік жаңғырмайтын тақ –

Мода.

Қараша мен желтоқсанның мұңындай,

Жер өмірден мұндалайтын Ақмола.

Күндер – күлкі,

Түрлер – түлкі,

Күй тым мас.

Бас қаламыз Астанамыз тым-тым жас.

Жылап жүріп көрісіп ек мың жылдық

Алматымен…

Ірге тассыз үй тұрмас.

Б.Бәмішұлы

06.07.2016 жыл. Алматы.