Алматыда Абай атындағы Опера және балет театрында Қазақстан жазушылар одағының кезекті XV құрылтайында белгілі ақын Ұлықбек Есдәулет Қазақстан Жазушылар одағы Басқармасының жаңа Төрағасы болып тағайындалды , – деп хабарлайды Абай-ақпарат.
Құрылтайды ҚР Мәдениет және спорт министрі Арыстанбек Мұхамедиұлы ашып, Елбасы Нұрсұлтан Назарбаевтың құттықтауын оқып берді. Жиында негізгі баяндама жасаған Жазушылар одағының бұрынғы төрағасы Нұрлан Оразалин қаламгерлер одағы атқарған жұмыстарға кезең-кезеңімен шолу жасап өтті.
«Қазақстан жазушылар одағы Кеңес одағы кезіндегідей идеологиялық құрал емес. Олай болуы да мүмкін емес. Біз құқықтық қоғамда өмір сүріп жатқан еркін қаламгерлердің еркін бірлестігіміз. Ондаған, жүздеген қоғамдық ұйымдар сияқты біз де қоғамдық бірлестіктердің бірі ғанамыз. Заңда көрсетілген талаптарға сай жарғымызда көрсетілген баптарға байланысты өмір сүруге міндеттіміз. Бүгінде одақтың құрамында 780-нен астам қаламгер бар. Әдебиет дейтін киелі ұйымға 84 жыл ие болған Жазушылар одағының жұмысын түгел түгендеу мүмкін емес, біз соңғы 5 жылда атқарылған жұмыстарды айтып шықтық. Ұйым одақ негізін қалаған Алаш арыстары заманында да, одан кейін Мұхтар, Ғабиттер басшылық еткен кезеңде де жойылып кетпеген. Жазушылар одағында өткен 22 жыл мен үшін үлкен мектеп болды. Барлығыңызға алғысымды айтамын. Өзіме бата берген ағаларым аруағы алдында басымды иемін. Осы мінбеден барлығыңызға ризашылығымды айта отырып, төрағалыққа сайлауға түспейтінімді жеткізгім келеді. Енді жаңадан сайланатын бауырларымызға сәттілік тілеймін. Әдебиетіміз мәңгі болсын!», – деді Нұрлан Оразалин.
Ал, Жазушылыр одағының жаңа басшысы Ұлықбек Есдәулет болашақта “Рухани жаңғыру” бағдарламасы аясында жаңа серпінмен жұмыс жасайтынын мәлімдеді. Одақ төрағасының орынбасарлығына Бақыт Беделхан, Ақберен Елгезек секілді елге белгілі қаламгерлерді ұсынды.
Біз Жазушылар одағының жаңа құрамын құттықтап, істеріне сәттілік тілейміз!
Abai.kz
Ұлықбек Есдәулет Жазушылар Одағының төрағасы болып сайланды
Соңғы жазбалар
Батыс Қазақстан облысының әкімдігі су тасқыны басталғаннан кейін көп кешікпей Батыс Қазақстан облысында су тасқынынан зардап
Ақмола облысында су тасқынынан зардап шеккендерге eGov Mobile қосымшасы арқылы көмек алуға өтінім беру бойынша пилоттық
Қазіргі таңда өмірімізді пластиксіз елестету қиын. Күнделікті өмірде қолданатын көптеген заттардың құрамында пластик бар. Бірақ пластик
Сенаторлар әйелдердің құқықтары мен балалардың қауіпсіздігін қорғауды күшейту туралы заңды мақұлдады
Бүгін Сенат Спикері Мәулен Әшімбаевтың төрағалығымен Палата отырысы өтті. Онда депутаттар әйелдердің құқықтары мен балалардың қауіпсіздігін
Қаңтар айында ProTenge-де «Азаттық» радиосы журналистерінің аккредитациядан өтпегені туралы пост жарияланған болатын. ProTenge мұндай прецеденттерді жария
Бишімбаев ісіне қатысты сот отырысының жүріп жатқанына шамамен 1 ай өтті. Осы уақытта бұл іс тек
Газада бейбіт халыққа көмектесіп жатқан 7 гуманитарлық қызметкер Израильдің әуе шабуылынан кейін қаза болды. Оның үшеуі
Кеше Атырау облысының әкімінің шешімімен Атырау облысының аумағында табиғи сипаттағы төтенше жағдай жарияланды. Облыс әкімі Серік
Депутаттар «Масс-медиа туралы» заң жобасына дәстүрлі емес сексуалдық бағытты насихаттауға қатысты түзету енгізуді ұсынды. Сәуірдің 5-інде
Америкалық Forbes журналындағы миллиардерлер тізімі жаңартылды. Тізімде алты қазақстандық бар. Олардың төртеуі соңғы бір жылда байлығын