Желтоқсанның 1-інде “Мінбер” журналистерді қолдау орталығының ұйымдастыруымен “Бизнестің
әлеуметтік жауапкершілігін жазудың ерекшеліктері: ERG мысалында” тақырыбында Ақтөбе өңірінің журналистеріне арналған тренингтің екінші күні аяқталды. Қатысушылар Мемлекеттік кірістер комитетінің сайтынан Қазақстанның ең ірі салық төлеушілерін табу жолдарын, www.kase.kz; www.finred.kz сайттарын пайдалана отырып, қор биржасындағы ақпараттар мен мемлекеттік кіріс департаментінің мәліметтерін табуды үйренді.
Медиа тренер – Пиар маманы, “Іскерлік журналистика” мектебінің негізін қалаушы, Ербол Азанбек. Шараға Ақтөбе өңірінде әртүрлі медиада қызмет етіп жүрген 20 журналист қатысуда. Шара ERG Komek корпоративтік қорының демеушілігімен жүзеге асуда.
