Бұл туралы Орталық коммуникациялар қызметінде өткен брифингте «1 қыркүйектен бастап «Ashyq» қосымшасы мектептерде де енгізіледі. Ата-аналар не істеуі керек? Баланы өз логинімен кіргізе ме?» деген сұрақ қойылып, оған Денсаулық сақтау министрлігі санитарлық-эпидемиологиялық бақылау комитетінің төрайымы Айжан Есмағамбетова жауап берді.
Спикердің айтуынша, ата-аналар мен балалар үшін ешқандай мәселе туындамайды.
«Мектептегі «Ashyq» қосымшасы оқушылар емес, қызметкерлер үшін қойылды. Вирусты таратпас үшін науқаспен байланыста болған немесе ПТР тест нәтижесі оң мұғалімдер мен қызметкерлерді мектептерге жібермеудің маңызы зор. Ата-аналар балаларды тек кіреберіске апарады, одан әрі өздері кіреді.
Ал егер ата-ана мектепке шақырылса, онда ол қосымша арқылы кіреді».
Парақшамызға жазылыңыз
