14 қаңтарда Ұлттық қауіпсіздік комитеті бірінші президент Нұрсұлтан Назарбаевтың немере інісі Самат Әбіштің демалыста екенін, қызметінен кетпегенін мәлімдеді.
6 қаңтарда кей телеграм-арналар ҰҚК төрағасының бірінші орынбасары Самат Әбіштің ұсталғанын хабарлап, артынша ақпаратты жоққа шығарған.
“Келіп түскен сұрауларға сәйкес, ҰҚК төрағасының бірінші орынбасары Самат Әбіш өз қызметінде екенін хабарлаймыз. Қазіргі уақытта ол жыл сайынғы демалысында” делінген ҰҚК хабарламасында.
Елдегі қайғылы оқиғалардан кейін ҰҚК басшылығы өзгергенде Самат Әбіш туралы ештеңе айтылмаған, тек комитет төрағасының орынбасары қызметіне жаңа орынбасардың тағайындалғаны айтылған. ҰҚК-ның ресми сайтында Самат Әбіш ҰҚК төрағасының бірінші орынбасары деп көрсетілген.
Парақшамызға жазылыңыз