Ресей жауынгерлері Путиннің телеарнадағы үндеуінен кейін Украинаны басып кірді. Бүгін Путиннің таңғы эфирдегі сөйлеген сөзінде Ресей президенті Владимир Путин Украинаны басып алуды жоспарлап отырмағанын, бірақ Украина әскерлерінің қаруын тастауын талап ететінін айтты.
Осы мәлімдемеден кейін көп уақыт өтпей, Украинаның әскери объектілеріне шабуыл жасала бастағаны туралы ақпарат түскен. Таңнан бері қырықтан астам адамның қайтыс болғаны жайлы мәлімет келген.
Украина президенті Владимир Зеленский елде соғыс жағдайын жариялап, Ресеймен дипломатиялық қарым қатынастардың барлығының үзілгендігін айтты.
Путин бұл соғыстың мақсаты көрші Украинаны қарусыздандыру екенін айтты.
