Қостанай облысында алапат өрт басталды. Кеше ҚР Экология, геология және табиғи ресурстар министрлігінің баспасөз хатшысы Олжас Беркінбаев өзінің Фейсбук парақшасында ресми ақпарат жариялады.
“Озерный кентінің тұрғындары эвакуацияланды
Қостанай облысы Басаман ҚМУ аумағында пайда болған ірі орман өртін сөндіру екінші тәулік бойы жалғасуда.
Өртті сөндіруге “Қазавилесоохрана” РМҚК, орман мекемелерінің, Қостанай, Ақмола, Солтүстік Қазақстан облыстарының ТЖД күштері мен құралдары жұмылдырылды.
Қазіргі уақытта тілсіз жауды ауыздықтауға 300-ге жуық адам, 100-ден астам техника жұмылдырылған.
Орман шаруашылығы және жануарлар дүниесі комитеті төрағасының орынбасары Ерлан Кутпанбаев оқиға орнында, штабта өрт сөндіру бойынша тактикалық шешімдер қабылдануда.
Өрт мемлекеттік орман қорының 2000 гектардан астам жерін қамтыды.
17 сағат 30 минуттағы ақпарат бойынша Новонежинка ауылының маңында өрт тоқтатылды.
Ал, Озерный кентінде 50-ге жуық үй жанып жатыр. Тұрғындар эвакуацияланды.” делінен ресми хабарламада.
Бүгінгі ахуал қандай?
ҚР Экология, геология және табиғи ресурстар министрі Серікқали Брекешев Қостанай облысында.
Қостанай облысында Аманқарағай ауылында өртенген үйлердің бірінен ер адамның мәйіті табылғандығы жөнінде төтенше жағдай министрі Юрий Ильин жексенбі күні таңертеңгі брифинг кезінде хабарлады.
Түтіннің кесірінен республикалық маңызы бар “Қостанай-Әулиекөл-Сұрған” тасжолы жабылды.
Әлеуметтік желі белсенділері Қостанай облысында көмек жинап жатыр.
Парақшамызға жазылыңыз
