Ғ.Тоқай атындағы Татарстан мемлекеттік филармониясында түркі дүниесінің өнер майталмандарының қатысуымен концерт өтті. Татарстан Республикасының Үкіметі мен Халықаралық түркі мәдениетін дамыту ТҮРКСОЙ тарапынан ұйымдастырылған кешке сегіз елдің атақты әншілері, музыка орындаушылары мен дирижерлары өнер көрсетті. Түркі дүниесінің түкпір-түкпірінен келген көрермендерді айтулы күнмен құттықтаған ТҮРКСОЙ Бас хатшысы Дүйсен Қасейінов: «Өздеріңізге мәлім болғандай, ТҮРКСОЙ түркі мәдениетін әлемге паш ету мақсатында жиі-жиі концерттік бағдарламаларға көңіл бөліп отырады. Мәдениет пен өнердің тілі, дәлірек айтқанда, ән мен аспаптың тілі баршаға ортақ. Түркі өнер әлемінде өзіңе қажетті жаңалықты таба білу маңызды оқиғалардың бірі деп ойлаймын. Менен жиі сұрайды: «Осы шара біте салысымен «Түркі әлемінің мәдени астанасы Қазан» дейтін ұланғайыр жоба жұмысын тоқтата ма?» Түркі әлемі Қазанды мәдени астана ретінде ешуақытта ұмытпайды. Керісінше мәңгі-бақи мәдени астана болып қала береді. Өйткені біз бұл жерге қайтып келеміз, қайта ораламыз», – деп мәдениет пен өнердің шекарасы жоқ екенін қайта еске салды. Сөз соңында ТҮРКСОЙ Бас хатшысы концерттің өтуіне атсалысқан ұйымдар мен өнерпаздарға арнайы сыйлықтар тарту етті. Атап айтқанда, Ғ.Тоқай атындағы Татарстан мемлекеттік филармониясының директоры К.Нұруллин арнайы ТҮРКСОЙ сыйлығымен, Ресейдің халық әртісі А.Шутиков «Мұқан Төлебаев» медалімен, Татарстанның халық әртісі Г.Ибушев, Татарстанның еңбек сіңірген әртістері М.Шамаев, А.Зантимерова, Г.Шарапова, Л.Аппакова ТҮРКСОЙ-дың Алғыс хаттарымен марапатталды. Халықаралық фестивальдердің лауреаты Ақерке Тәжібаева Е.Усеиновтың «Өмір дастан» күйін орындап берді. Оркестрге дирижерлық еткен Қазақстанның Еңбек сіңірген қайраткері Қанат Ахметов. «Біржан-Сара» операсының Сараның ариясын Татарстанның белгілі әншісі Ригина Валиева орындады. Сол сияқты «Хайтарма Ай-Петри», «Соло фантазия», Тоқтағұл Сатылғановтың «Мың қиял», «Кожай биле Тогралыг» сынды әндерді сегіз елдің талантты өнерпаздары орындап, түркі дүниесінің түкпірінен келген көрермендерге тамаша кеш сыйлады.
Парақшамызға жазылыңызТҮРКІЛЕРДІҢ ТАЛҒАМЫ: фольклорлық құндылықтардан-операға дейін
Соңғы жазбалар
13 мамыр Қуандық Бишімбаев “Аса қатыгездікпен жасалған кісі өлтіру” бабы бойынша және “Азаптау” бабы бойынша кінәлі деп
Ауғанстан қазағы Сәми Атақұл жергілікті органдардың тоңмойындығынан Қазақстан Республикасының азаматтығын ала алмай жүр. Азаматтығын алғаны былай
9 Мамыр Жеңістің 79 жылдығы қарсаңында Алматыда Қазақстан Туымен қатар, Советтер одағының туын жалаулатып бара жатқан
“Мінбер” журналистерді қолдау орталығы 15 жыл бойы қазақ журналистерінің біліктілігін арттыруға өлшеусіз үлес қосып келеді. Ұлы
Бірнеше күн бұрын анам түсіме кірді. Екеуміз бірге бір жаққа ұшқалы жатыр екенбіз. Мен ол түсті
Нұртай Нұрсапаұлы алдыңғы күні 60-қа толған. Кіндік қаны Алтайдың сонау өрінде, Ертіс бойында тамғанымен, ес біліп,
Ауыл тұрғындарының басым көпшілігі жақын мемлекеттерден көшіп келген қандастар. «Мұнда тұрып жатқандарына 20 жылдан асқан. Көшіп
2024 жылдың 3 сәуірінде Тайваньда соңғы 25 жыл ішіндегі ең жойқын жер сілкінісі болды. Рихтер шкаласы
Оңтүстік астанамызды мекендейтін сан мыңдаған тіршілік атаулының ішінде Жер-Анаға адам баласынан артық қиянат жасайтын жан иесі
Қазіргі уақытта Қызылорда облысындағы Арал теңізінің үздіксіз таяздануы, «Байқоңыр» зымыран – ғарыш кешенін пайдалану, уран–кен өндіру