Жәнібек сынды батырлар рухын ұлықтау – жас ұрпақты отан сүйгіштік рухқа тәрбиелейтін бағалы оқулық іспетті. Олардың есімін көтеру, оны келер ұрпаққа аманаттау – тәуелсіздік тұғырымызды одан ары бекемдеп, «Мәңгілік ел» мұратына жетуімізге айқын бағдар, жалынды рух сыйлайды.
Осы орайда, Республикамыздың жер-жерінде аталып жатқан мерейтой аясында Астана қаласында да арнайы іс-шаралар ұйымдастырылуда. Нақтылы күнтәртібі төмендегідей:
- 17 маусым. 17:00 сағатта – Астана қаласы Бейбітшілік және келісім сарайында Ер Жәнібек рухына арналған ақындар айтысы.
- 19 маусым. 9:30 сағатта – Л.Н.Гумилев атындағы Еуразия Ұлттық университетінде Ер Жәнібектің 300 жылдық мерейтойына арналған «Мәңгілік ел және Ер Жәнібек» атты халықаралық ғылыми-практикалық конференция.
- 13:00 сағатта – Ақмола облысы, Целиноград ауданы, Қоянды ауылында батырдың 300 жылдық мерейтойына арналған арнайы ас.
- 14:30 сағатта – Ер Жәнібек атындағы жастар мен жасөспірімдер арасында «белбеу күресінен» Республикалық біріншілік (чемпионат) пен Қазақ күресінен өтетін түйе палуан жүлдесінің басталуы.
– 15:30-сағатта – Қоянды ауылы орталығындағы «Ер Жәнібек бақшасына» қойылатын батырдың атқа мінген тұлғасы орнайтын ескерткіштің ірге тасын қалау рәсімі.
– Қоянды ауылының орталығынан алынған «Ер Жәнібек көшесінің» тұсаукесер салтанаты. Батыр рухына арналған әдеби-музыкалық кеш.
– 19: 00-де жалпы қорытынды.
Салтанатты шараға ҚР парламент мәжілісі депутаттары, Ақмола облысы әкімдігі, ҚР дене шынықтыру және спорт агенттігінің басшылары мен әлем чемпиондары, ақын-жазушы, ғалымдар, Целиноград ауданы әкімі, шетелден келген сыйлы қонақтар қатысады деп күтілуде.
«Ер Жәнібек халықаралық қоғамдық қоры»
Ұйымдастыру комиссиясы
Астана қаласындағы байланыс тел: 8-701-7499842, 8-701-6189990
Парақшамызға жазылыңыз
